काठमाडौं– कतारमा जारी विश्वकप फुटबलअन्तर्गत सोमबार मध्यराति १२ः४५ बजे क्वार्टरफाइनल प्रवेशका लागि सर्वाधिक पाँच पटकको विश्वविजेता ब्राजिल र एसियाली टोली दक्षिण कोरियाबीच प्रतिस्पर्धा हुँदैछ।
ब्राजिल समूह ‘जी’ विजेताको रुपमा प्रि–क्वार्टरफाइनलमा पुगेको हो। यस्तै, दक्षिण कोरियासमूह ‘एच’को उपविजेताको रुपमा अन्तिम १६ मा पुगेको हो।
फिफा वरीयतामा नम्बर १ स्थानमा रहेको ब्राजिल जारी विश्वकपको प्रमुख दाबेदार हो। यसर्थ, उसका लागि दक्षिण कोरिया सहज प्रतिद्धन्द्धी हो। तर, समूह चरणको अन्तिम खेलमा क्यामरुनसँग पराजित भएपछि ब्राजिलमाथि प्रश्न उठिरहेका छन्।
सर्बियासँगको समूह चरणको पहिलो खेलमा नै प्रमुख खेलाडी नेइमार घाइते भएका थिए। त्यसले गर्दा ब्राजिलको आक्रमण धारिलो हुन सकिरहेको छैन।
यद्यपि, आज रातिको खेलमा भने नेइमार उपलब्ध हुनसक्ने ब्राजिल फुटबल संघलाई उदृत गर्दै अन्तर्राष्ट्रिय सञ्चारमाध्यमहरूले जनाइरहेका छन्।
दक्षिण कोरियविरुद्ध गोलकिपरमा एलिसनले सुरुवात गर्ने सम्भावना लगभग शतप्रतिशत छ।
यस्तै, डिफेन्समा एडर मिलिटाओ, माक्र्वोन्होस, कप्तान थियागो सिल्भा र डानिलोले सुरु गर्ने सम्भावना प्रबल छ।
यसैगरी, मिडफिल्डमा लुकास पाक्वेटा, कासेमिरो र एट्याकिङ मिडफिल्डमा नेइमार हुन बताइएको छ। त्यस्तै, फरवार्डमा राफिन्हा, रिचार्लिसन र भिनिसियस जुनियर हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
