काठमाडौं– बलिउड अभिनेता आमिर खान आजकल सबै प्रोजेक्टबाट ब्रेक लिएर परिवारसँग समय बिताइरहेका छन्।
उनले एक अन्तरवार्तामा आफ्नो आगामी योजना र विगतका पारिवारिक अवस्थाबारे बताएका थिए। उनी बाबुले गरेको संघर्ष सम्झेर निकै भावुक भएका थिए।
अङ्ग्रेजी समाचार ह्युमन्स अफ बम्बईलाई दिएको अन्तरवार्तामा उनले बुबाले झेलेको आर्थिक संकटबारे भनेका थिए, ‘सबैले सोचेका थिए कि हाम्रो परिवार राम्रो जीवन बिताइरहेको छ, तर मेरो बुबाले गरेका केही प्रोजेक्टको नतिजा राम्रो थिएन। जसकारण हाम्रो परिवार आर्थिक संघर्ष गर्न थाल्यो। मेरो बुबाले धेरै ऋण लिनु हुँदैन भनेर बुझ्नुभएन।'
उनले थपेका थिए, 'ती दिनमा, फिल्मटिकटहरू कालो रङमा बेचिन्थ्यो, जुन प्रायः निर्मातालाई खर्च हुन्थ्यो। मेरो बुबाका केही फिल्मले राम्रो व्यापार गरे, तर उहाँसँग कहिल्यै पैसा थिएन।'
सोही अन्तर्वार्तामा आमिर खानले भनेका थिए, 'बुबालाई समस्यामा देख्दा गाह्रो हुन्थ्यो। घरमा साहुको फोन आउँथ्यो र कहिलेकाहीँ झगडा पनि हुन्थ्यो।'
आमिर खान र उनका भाइ फैजलले बाबुको अवस्थाका कराण फिल्म उद्योगमा आउने निर्णय गरे। सन् १९९९ मा आमिर खान प्रोडक्सनको सुरुवात गरे।
'कुछ' 'लगान', 'तारे जमीन पर', 'दिल्ली बेली' र 'दंगल'जस्ता सुपरहिट फिल्म निर्माण गरे।
तर, उनले आज पनि बुबाको पीडा बिर्सेका छैनन्।
हालै आमिर खानले आफ्नो आगामी प्रोजेक्ट च्याम्पियनको घोषणा गरेका छन्, जसमा उनी अभिनेताको रूपमा नभई निर्माताको भूमिकामा देखिनेछन्। जुन उनका लागि निकै नयाँ हुनेछ, जसलाई लिएर उनी पनि निकै उत्साहित छन्।
च्याम्पियनबारे कुरा गर्दै अभिनेताले भने, ‘यो धेरै राम्रो फिल्म हो। यसको स्क्रिप्ट पनि एकदम राम्रो छ। मन छुनेछ।’
आमिर खानको आगामी प्रोजेक्टलाई सोनी पिक्चर्स र '२०० नट आउट प्रोडक्सन'ले आमिर खान प्रोडक्सनसँगको सहकार्यमा निर्माण गर्ने छन्।
आमिर खान पछिल्लो पटक अगस्टमा रिलिज भएको फिल्म 'लाल सिंह चड्ढा' मा देखिएका थिए। अद्वैत चन्दनद्वारा निर्देशित यो फिल्म १९९४ मा रिलिज भएको अमेरिकी फिल्म ‘फरेस्ट गम्प’को रिमेक थियो। (बलिउड सञ्चारमाध्यमको सहयोगमा।)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778491729.jpg)
-1764146706.png)
