काठमाडौं– अष्ट्रेलियामा जारी आइसीसी टी–२० क्रिकेट विश्वकपमा आयरल्याण्डले छिमेकी देश इंग्ल्याण्डमाथि ऐतिहासिक जित निकालेको छ।
बुधबार भएको सुपर १२ को खेलमा आयरल्याण्डले चिरपरचित प्रतिद्धन्द्धी इंग्ल्याण्डमाथि डीएल पद्दतिका आधारमा ५ रनको जित निकालेको हो ।
आयरल्याण्डका लागि यो जित ऐतिहासिक रह्यो। किनकि, टी–२० विश्वकपमा उसले इंग्ल्याण्डलाई पहिलोपटक हराएको हो। यसअघि, सन् २०११ मा भारतमा भएको एकदिवसीय विश्वकपमा आयरल्याण्डले इंग्ल्याण्डमाथि ३ विकेटको जित दर्ता गराएको थियो।
मेलबर्न क्रिकेट मैदानमा आयरल्याण्डले १५८ रनको लक्ष्य दिएको थियो। तर, इंग्ल्याण्डले लक्ष्य पछ्याइरहँदा पानी पर्यो। जसले गर्दा खेल नै प्रभावित भयो।
पानी परेका कारण खेल रोकिनुअघि इंग्ल्याण्डले १४.३ बलमा ५ विकेट गुमाएर १०५ रन जोडेको थियो।
इंग्ल्याण्डका लागि डेविड मालनले ३५, मोइन अलीले अविजित २४ र ह्यारी ब्रुकले १८ रन जोडे।
आयरल्याण्डका जोस लिटलले सर्वाधिक २ तथा ब्यारी, म्याककार्थी, फिओन हान्ड र जर्ज डोक्रेलले समान १ विकेट लिए । लिटल मोस्ट भ्यालुएबल खेलाडी घोषित भए।
यसअघि, टस हारेर पहिले ब्याटिङको निम्तो पाएको आयरल्याण्डले १९.२ बलमा सबै विकेट गुमाएर १५७ रन बनाएको थियो।
आयरल्याण्डका कप्तान एन्डी बलब्रिनीले अर्धसतकीय पारी खेल्दै सर्वाधिक ६२ रन बनाए। उनी प्लेयर अफ दि म्याच घोषित भए। को अर्धशतकीय इनीङ खेले। यस्तै, लोर्कान टुकरले ३४ र कुर्टिस क्याम्फेरले १८ रन जोडे।
इंग्ल्याण्डका आदिल राशिद र मार्क उडले ३/३ विकेट लिए।
यस जितसँगै आयरल्याण्ड समूह १ को चौथो स्थानमा उक्लिएको छ। उसले २ खेलबाट २ अंक जोडेको छ ।
समान २ अंक रहेको इंग्ल्याण्ड नेट रनरेटमा आयरल्याण्डलाई पछि पार्दै तालिकाको तेस्रो स्थानमा छ।
यो समूहको शीर्ष स्थानमा न्युजिल्याण्ड र दोस्रोमा श्रीलंका छन्।
यस्तै, आयोजक अष्ट्रेलिया भने पाचौँ र अफगानिस्तान छैटौँमा छ। सबै ६ टोलीको १ खेलमा जित र अर्कोमा हार ब्यहोर्दै समान २ अंक जोडेका छन्। तर, नेट रनरेटका आधारमा अघि–पछि छन्।
सुपर १२ का हरेक समूहबाट २ टोलीले सेमिफाइनलमा स्थान बनाउँछन्। यसले गर्दा समूह १ मा थप रोचक प्रतिस्पर्धा हुने देखिन्छ।
यसैबीच, अहिले हुने तय भएको न्युजिल्याण्ड र अफगानिस्तान बीचको खेल वर्षाका कारण रद्द भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
