पोखरा- प्राकृतिक र पर्यटकीय सहर पोखरामा विद्युतीय कार कम्पनी बिवाइडीको सुविधासम्पन्न सोरुम सञ्चालनमा आएको छ। सोरुम सञ्चालनसँगै एक साताअघि मात्र नेपाल प्रवेश गरेको बिवाइडीको एटो ३ कार पनि सार्वजनिक भएको छ।
गण्डकी प्रदेशका भौतिक पूर्वाधार, सहरी विकास तथा यातायात व्यवस्था मन्त्री कुमार खड्काले बिवाइडीको सोरुम उद्घाटन गरेका हुन्।
सोही अवसरमा मन्त्री खड्कासहित नेपाल अटोमोबाइल्स डिलर एसोसिएसनका अध्यक्ष ध्रुव थापा, नेपालका लागि बिवाइडीको आधिकारिक बिक्रेता साइमेक्स इंकका अध्यक्ष अनिल श्रेष्ठ, प्रबन्ध निर्देशक यमुना श्रेष्ठ र प्रमुख कार्यकारी अधिकृत साहिल श्रेष्ठले बिवाइडीको एटो ३ लाई पोखरेली अटोपारखी माझ सार्वजनिक गरे।
बिवाइडीका लागि पोखराको आधिकारी बिक्रेता प्लगइन अटोमोबाइल्सले यूनिक फिचर्स र डिजाइनमा बनेको इभी कार एटो ३ घरेलु बजारमा उतारेको हो।
एटो ३ मा ५० किलोवाट र ६०.५ किलोवाट क्षमतायुक्त ब्याट्री जडित छ। बिवाइडीले तयार पारेको ब्लेड ब्याट्रीले कारलाई पूर्ण सुरक्षित पारेको छ। एटो ३ एकपटक फुलचार्ज गर्दा ४ सय ५० किलोमिटर कुद्न सक्ने बताइएको छ।
एटो ३ को मूल्य कम्पनीले ८९ लाख ९० हजार राखेको छ। पोखरामा यसअघि बिवाइडीको ई ६ कारको पनि बिक्री वितरण गरिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
