काठमाडौं– बालाजु–रानीपौवा सडकअन्तर्गत मुड्खु–तीनपिप्ले सडक खण्डको ठेक्का कमलजित–ड्रागन जेभीले पाउने भएको छ।
भौतिक पूर्वाधार तथा यातायात मन्त्रालयको सडक सुधार तथा विकास आयोजना निर्देशनालयले जारी कमलजित–ड्रागन जेभीले ठेक्का पाउने आशयको सूचना जारी गरेको छ।
बालाजु–रानीपौवा सडक टुक्र्याएर ५.५ किलोमिटर दूरीको बीचको खण्ड ‘फास्ट ट्रयाक’मा स्तरोन्नति गर्न ठेक्का गरिएको हो।
बालाजु–रानीपौवाको उक्त सडक खण्ड स्तरोन्नतिका लागि शैलुङ कन्स्ट्रक्सनले ठेक्का लिएपनि काम भने पूरा गर्न सकेको थिएन। पटक–पटक ताकेता गर्दा पनि ठेकेदारले काम नगरेपछि उक्त ठेक्का तोडेर नयाँ ठेक्का गर्ने तयारी भएको छ।
सातपटक म्याद थप्दा पनि आयोजनामा प्रगति नभएपछि सडक सुधार तथा विकास आयोजना निर्देशनालयले गत असार ५ मा ठेक्का तोडेको थियो। ठेकेदार कम्पनीलाई सार्वजनिक खरिद अनुगमन कार्यालयले तीन वर्षका लागि कालोसूचीमा राखिसकेको छ।
अहिले उक्त सडक खण्ड निर्माणका लागि कमलजित–ड्रागन जेभीलाई दिने तयारी भएको छ। सबैभन्दा कम आर्थिक प्रस्ताव पेस गरेको उक्त कम्पनीसँग ठेक्का सम्झौता गर्ने अन्तिम तयारी रहेको सडक विभागले जनाएको छ।
उक्त सडक खण्डको ठेक्का सम्झौता हुने क्रममा भएको रानीपौवा–त्रिशूली सडक विस्तार आयोजनाका प्रमुख गौतम श्रेष्ठले जनाए। उक्त सडक निर्माण आयोजनामा तोकिएको समयमा सडक निर्माणको काम नसकिए ठेक्काको म्याद नथपिने सडक विभागले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
