काठमाडाैं-नेपाली राष्ट्रिय फुटबल टोलीका युवा फरवार्ड मनिष डाँगी बहराइनको क्लबमा अनुबन्धित भएका छन्।
उनी बहराइनको दोस्रो डिभिजन क्लब इतिहाद अल रिफ क्लबमा अनुबन्धित भएका हुन्। क्लबले मनिषलाई २०२२–२३ को सिजनका लागि अनुबन्ध गरेको हो।
इतिहादले सामाजिकसञ्जाल इन्स्टाग्राममार्फत् उनलाई अनुबन्ध गरेको जानकारी दिएको छ। उक्त क्लबले मनिषलाई कति रकममा अनुबन्ध गरेको हो भन्ने खुलाएको छैन।
दक्षिण कोरियाको फुटबल एकेडेमीमा फुटबल खेलेर नेपाल फर्किएका मनिषले पहिलो संस्करणको नेपाल सुपर लिग (एनएसएल) विराटनगर सिटी एफसीबाट खेलेका थिए। उनी दोस्रो संस्करणको एनएसएलका लागि पनि विराटनगरमै आवद्ध भएका छन्।
मनिषले सहिद स्मारक ‘ए’डिभिजन लिग भने साविकको विजेता मछिन्द्र क्लबबाट खेलेका थिए। पहिलो संस्करणको एनएसएल खेलेदेखि उनी नेपाली राष्ट्रिय फुटबल टोलीको मुख्य प्रशिक्षक अब्दुल्लाह अल्मुताइरीको मुख्य रोजाइमा मैदान उत्रिरहेका छन्।
उनले विश्वकप छनोटको तयारी स्वरुपमा इराकमा भएको मैत्रीपूर्ण खेलमा राष्ट्रिय टोलीबाट ‘डेब्यू’ गर्दै पहिलो गोल गरेका थिए। यस्तै, गत वर्ष असोजमा सम्पन्न साफ च्याम्पियनसिप माल्दिभ्सविरुद्ध एक गोल गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786184812.png)
