मलिकालाई फापेको ‘पानीफोटो’

गसिप

नेपाल लाइभ सोमबार, साउन १६, २०७९ ०८:३१

काठमाडौं– अभिनेत्री तथा मोडल मलिका महतको करिअर ग्राफ हेर्ने हो भने बल्ल उनले दुई फिल्ममा अभिनय गरेकी छिन्।

सन् २०१९ मा आएको फिल्म ‘यात्रा’बाट सिनेक्षेत्रमा डेब्यू गरेकी उनको त्यो फिल्मले खासै सफलता पाउन सकेन्। उक्त फिल्ममा गरेको अभिनयपछि मलिका फिल्म क्षेत्रबाट बिदाजस्तै भइन्।

फिल्मबाट बिदा भएपछि लामो समयसम्म उनी म्युजिक भिडियो क्षेत्रमा भने शीर्ष स्थानमा रहिन्। मलिकासँगै अभिनेता पल शाहले थुप्रै चर्चित म्युजिक भिडियोहरु खेले। दर्शक माझ यो जोडी ‘पिएम जोडी’का नामले पनि निकै चर्चित भएको थियो। तर, फिल्ममा भने उनको पुनरागमन भएको थिएन।

तीन वर्षपछि बल्ल उनी फेरि एकपटक ठूलो पर्दामा देखिएकी छिन्। खगेन्द्र लामिछानेको लेखन तथा निर्देशनमा बनेको फिल्म ‘पानीफोटो’मा देखिएकी मलिकाको अभिनयलाई धेरैले रुचाएका छन्। प्रमुख भूमिकामा देखिएकी मलिकाले फिल्ममा राधाको भूमिका निभाएकी छिन्, जसलाई धेरै दर्शकले रुचाएका छन्।

फिल्म गत शुक्रबार मात्रै प्रदर्शनमा आएकाले व्यापारिक रुपमा कस्तो हुन्छ भन्ने अहिले नै अनुमान लगाउन गाह्रो छ। तर, मलिकाको अभिनयलाई लिएर भने धेरैतर्फबाट सकरात्मक प्रतिक्रिया आइरहेको छ।

पहिलो फिल्म फ्लप भएपछि म्युजिक भिडियोमा चर्चा पाएकी मलिकाले ‘पानीफोटो’मा गरेको अभिनयले भने उनलाई फेरि फिल्म क्षेत्रमै सक्रिय हुने मौका दिएको छ। हेरौं, मलिकाले अब म्युजिक भिडियो नै रोज्लिन् कि फिल्ममा पनि सक्रियता बढाउँछिन् !

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मौसम बदली : बादलले ढाके पनि वर्षा कम, बुधबारदेखि सुधार हुने

पूर्वसांसद मिना गुरुङ पक्राउ

सहकारी ठगी प्रकरणमा प्रतिवादीहरूको बयान जारी