जुम्ला- डा गोविन्द केसीले राज्यले आफ्नो अनसन तुहाउने उद्देश्यले अपहरण गरेर काठमाडौं लैजान लागेको भन्दै सरकारी हेलिकोप्टरमा नजाने अडान राखेका छन्।
सरकारले आजै मात्र केसीलाई उपचारका लागि काठमाडौं ल्याउने भन्दै नेपाली सेनाको हेलिकोप्टर पठाएकोमा डा केसीले काठमाडौं जानैपरे आफ्नै हिसाबले जाने अडान राखेका हुन्।
‘राज्य मेरो स्वास्थ्यप्रति संवेदनशील भएको हो भने मेरो माग पूरा गरोस्, म अनसन तोड्छु’, केसीले भने ‘तर म यो मेरा लागि पवित्रस्थल हो , म माग पुरा नभएसम्म यही जुल्लामा बसेर जारी रहने छ।’
आफ्नो मौलिक हक खोस्ने कसैलाई अधिकार नभएको भन्दै डा केसीले सरकारको गुन्डागर्डी नचल्ने पनि बताएका छन्।
प्रहरीले डा केसी अनसन बसेको कर्णाली स्वास्थ्य विज्ञान प्रतिष्ठानमा हस्तक्षेप गर्दै बल प्रयोग गरेपछि उनले आफू काठमाडौं जान तयार भएको बताएका छन्। प्रहरीको धरपकडबाट बिरामीका कुरुवा, डाक्टर, नर्स लगायत घाइते भएका छन्।
डा केसी जुम्लामा २० दिनदेखि आमरण अनसनमा छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
-1789631269.jpg)
