काठमाडौं–अभिनेता अर्पण थापाको करिअरलाई हेर्ने हो भने उनी सफल अभिनेताका रुपमा स्थापित भइसकेका छन्। थापाले अभिनय गरेका धेरै फिल्महरुले समीक्षात्मक रुपमा सफलता पाएका छन् भने उनको अभिनयको पनि राम्रो चर्चा भएको छ।
२०११ मा ‘सिक सिटी’ नामक फिल्मबाट आफ्नो अभिनय यात्रा सुरु गरेका उनले काम गरेका फिल्महरुमध्ये कतिपयले सिनेमा हलमा राम्रो व्यापार त गर्न सकेका छैनन्, तर फिल्म असफल भए पनि उनको अभिनयको भने दर्शकदेखि समीक्षकहरुले पनि खुलेरै प्रशंसा गरेका छन्।
हालै प्रदर्शनमा आएको उनी अभिनित दीपेन्द्र के. खनालको निर्देशनमा बनेको फिल्म ‘चिसो मान्छे’मा गरेको कामका लागि पनि अर्पणको निकै प्रशंसा भइरहेको छ। एक गाडी चालकको भूमिकामा देखिएका उनले गरेको अभिनयलाई दर्शकले रुचाएका छन्।
तर, अभिनयमा सफल थापाको निर्देशकीय यात्रा भने असफल छ। थापाको निर्देशनको पाटोबारे धेरै जानकार पनि नहुन सक्छन्। तर, उनले हालसम्म ‘आधा लभ’, ‘सुनकेशरी’, ‘घर’, ‘मुखौटा’लगायतका फिल्महरुको निर्देशन गरेका छन्। थ्रिलर तथा हरर विद्याका फिल्म निर्देशनमा पोख्त मानिए पनि अर्पणको निर्देशनमा बनेका फिल्मले सफलता प्राप्त गर्न भने सकेका छैनन्। उनले अभिनय गरेको पछिल्लो फिल्म ‘घर’ त झन नराम्रोसँग फ्लप भएको थियो।
अर्पणले हाल अभिनयमा राम्रो गरिरहेका छन्। तर, उनी निर्देशनमा पनि उस्तै सफल हुन खोजेको उनले एक फिल्म असफल भएपछि पनि अर्को फिल्म बनाउनुले प्रमाणित गर्छ। तर, सबैलाई दुवै हातमा लड्डु कहाँ हुन्छ र?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790138176.webp)
-1786602170.png)
-1789631269.jpg)
