काठमाडौं– निर्वाचन आयोगका पूर्वप्रमुख आयुक्त भोजराज पोखरेलले स्थानीय तहको निर्वाचनअन्तर्गत समग्रमा व्यवस्थित र उत्साहजनक रुपमा मतदान भइरहेको बताएका छन्।
काठमाडौं उपत्यकाका केही मतदान स्थल र केन्द्रहरुको अनुगमन गरेपछि पूर्वप्रमुख निर्वाचन आयुक्त पोखरेलले मान्छेहरु व्यवस्थित भएर बस्ने आफ्नो पालो कुर्ने तथा झै–झगडाको अवस्था नदेखिएको बताए।
निर्वाचनमा खटिएका अधिकारीहरुले आफ्नो काम गर्दै सोध्दा नझर्किकन जवाफ दिने अवस्था भने अझै नभएको उनले सुनाए।
निर्वाचनको प्रमुख कुराहरुलाई प्रभाव पार्ने किसिमको काम राजनीतिक दल तथा उम्मेदवारबाट भएको नदेखिएको पोखरेलले जानकारी दिए। 'सबै दलका प्रतिनिधिहरु मिलेर बसेका छन्,' पोखरेलले भने।
सुरक्षाको पाटोमा कहीँ पनि गुनासो नआएको उनले सुनाए। 'काठमाडौंको कीर्तिपुर, ललितपुरको चापागाउँ हुँदै मंगलबजारसहितका क्षेत्रका धेरै मतदान केन्द्रमा हिँड्यौ। त्यहाँ पुग्दा सुरक्षाको विषयमा आपत्ति कहिँ पनि थिएन,' पोखरेलले भने।
निर्वाचनको व्यवस्थापकीय र आचरणको पक्षमा गुणात्मक सुधार हुँदै गएको र उक्त कुरा गौरव गर्ने विषय भएको पोखरेलले बताए। 'जुन हामीले लोकतान्त्रिक प्रणाली लिएर आएका छौं, त्यसमा यसले मद्दत पुर्याउने देखिएको छ,' पोखरेलले भने।
यद्यपि केही ठाउँमा भने निर्वाचनका लागि मतदान केन्द्रहरु अलि साँधुरो देखिएको उनले बताए। 'सहरी क्षेत्रमा ठाउँ अभागमा कारण त्यो अवस्था भएको छ। डोरी टाँगेर महिला पुरुष छुट्याउने कुरा पनि ठाउँ विशेष भएर काम गर्नुपर्ने अवस्था देखिएको छ,' पोखरेलले भने, 'समग्रमा, अहिलेको अवस्थासम्म हेर्दा सबैतिरको अवस्थाले मलाई उत्साहित बनाएको छ।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1788274741.jpg)
-1786602170.png)
-1786513116.png)
