काठमाडौं– स्थानीय तहको निर्वाचनअन्तर्गत देशभर मतदान भइरहेको छ। बिहान ७ बजेदेखि सुरु भएको मतदान कार्य जारी छ।
आयोगका प्रवक्ता एवं सहसचिव शालिग्राम शर्मा पौडेलले केही स्थान बाहेक अन्य ठाउँमा शान्तिपूर्ण रुपमा मतदान भइरहेको जानकारी दिए। उनका अनुसार मध्यान्ह १२ बजेसम्म देशभर ३५ प्रतिशत मतदान सम्पन्न भएको छ।
‘७५३ वटै स्थानीय तहका १० हजार ७५६ मतदान स्थलका २१ हजार ९५५ मतदान केन्द्रमा छिटफुट घटना बाहेक शान्तिपूर्ण तथा उत्साहजनक रुपमा मतदान भइरहेको छ,’प्रवक्ता पौडेलले भने।
उनका अनुसार दोलखा, सर्लाही, सप्तरी, रामेछाप, पर्वत, हुम्ला र बाजुराका केही मतदानस्थलमा सामान्य विवादका कारण मतदान कार्य अवरुद्ध भएकोमा सुचारु गर्ने प्रयास भइरहेको छ। उनले ती स्थानहरुमा छिट्टै मतदान सूचारु हुने अपेक्षा लिइएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771484611.png)
-1764146706.png)
