काठमाडौं– स्थानीय तह निर्वाचनका दिन दूध तथा दूधजन्य वस्तुको ढुवानी सहज गराइ दिन व्यवसायीले माग गरेका छन्।
आयोगले दूधजन्य पदार्थलाई अत्यावश्यक वस्तुको सूचीमा नराखेपछि व्यवसायीले पत्र लेखेर सहजीकरण गरिदिन आग्रह गरेका हुन्। निर्वाचनको दिनमा चल्न पाउने अत्यावश्यक वस्तुहरूको सूचीमा नअटाएपछि नेपाल डेरी एसोसिएसनले पत्र लेखेको हो।
‘अघिल्ला वर्षहरूमा दूध तथा दूग्धजन्य पदार्थको ढुवानीलाई अत्यावस्यकको सूचीमा राखिन्थ्यो,’ आयोगलाई लेखिएको पत्रमा उल्लेख छ, ‘वैशाख ३० गतेको निर्वाचनको दिनमा दूध ढुवानी अत्यावश्यक वस्तुको सूचीबाट छुटेको छ।’ त्यसैले ढुवानीमा सहजीकरण गरिदिनका लागि एसोसिएसनले आयोगलाई पत्र लेखेको हो।
आयोगले निर्वाचनको दिनमा खाद्यान्न, एम्बुलेन्स, पिउने पानी, दूतावासका सवारी साधनबाहेक अन्य वस्तु ढुवानी र सवारी साधन चल्न नपाउने व्यवस्था आयोगले गरेको छ। यो सूचीमा दूध तथा दुग्धजन्य वस्तुको ढुवानी समेत समेट्न एसोसिएसनले आग्रह गरेको हो।
दूध अत्यावश्यक वस्तु भएको र यो बालकदेखि वृद्धवृद्धासम्मका लागि अनिवार्य रहेकाले यसको ढुवानीमा रोकतोक गर्न नहुने एसोसिएसनले बताएको छ। यस्तै, उत्पादन भएकै दिनमा उपभोग गरिसक्नु पर्ने भएकाले यस पटकको स्थानीय निर्वाचनमा दूध ढुवानीमा समस्या सृजना नगरिदिन एसोसिएसनले आग्रह गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1758539596-1762682671.jpeg)
-1780993487.png)
-1764146706.png)
