काठमाडौं- जिल्ला प्रशासन कार्यालय काठमाडौंले स्थानीय तह निर्वाचनलाई लक्षित गर्दै मदिराजन्य पदार्थ बिक्री वितरण तथा सेवन नगर्न अनुरोध गरेको छ।
वैशाख ३० गतेको स्थानीय तह निर्वाचन सञ्चालनका लागि आइतबार एक अनुरोध पत्र सार्वजनिक गर्दै जिल्ला प्रशासन कार्यालय काठमाडौंले स्थानीय तह निर्वाचन निर्देशिका २०७३ को दफा ७१ (मादक पदार्थ निषेध गर्ने) मा भएको व्यवस्थाको प्रभावकारी कार्यान्वयनको लागि २७ गते मंगलबार राति १२:०० बजेदेखि मतदान कार्य सम्पन्न नभएसम्मका लागि मदिराजन्य पदार्थ बिक्री वितरण तथा सेवन कार्य नगर्नु /नगराउनु हुन अनुरोध गरेको जनाएको छ।
त्यस्तै मतदानको दिन मतदानको दिन अत्यावश्यक सेवामा सञ्चालित र अनुमति लिएका सवारी साधनहरु बाहेकका सवारी साधनहरु बिहान ६ बजेदेखि मतदान नसकिएसम्म सञ्चालन नगर्नु/नगराउन अनुरोध गरेको छ।
जिल्ला प्रशासनले सूचना विपरितका कार्य तोकिएको अवधिमा गरे/गराइएको पाइएमा कानून बमोजिम कारवाही गरिने जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
