काठमाडौं- २०७४ सालमा सम्पन्न स्थानीय तहको निर्वाचनमा सहभागी मतदाताको संख्या पाँच वर्षपछि उल्लेखनीय रुपमा बढेको देखिन्छ। थपिएका तिनै मतदाताले अहिलेको निर्वाचनको नतिजालाई प्रभावित पार्न सक्ने हैसियत राख्छन्।
काठमाडौं महानगरपालिकामा पाँच वर्षअघिको मतदाता संख्यामा अहिले २० हजार ९३३ मतदाता बढेका छन्। त्यतिबेला २ लाख ७९ हजार ३०९ मतदाता रहेकोमा अहिले ३ लाख २४२ मतदाता पुगेका छन्। त्यस्तै, ललितपुर महानगरपालिकामा ९ हजार ९६७ मतदाता बढेका छन्। त्यहाँ २०७४ सालमा १ लाख १२ हजार ९२३ मतदाता रहेकोमा अहिले १ लाख २२ हजार ८९० मतदाता पुगेका छन्।
भरतपुर महानगरपालिकामा ३५ हजार ४७९ मतदाता बढेका छन्। २०७४ सालमा त्यहाँ १ लाख ५० हजार २७३ मतदाता थिए। अहिले त्यहाँ १ लाख ८५ हजार ७५२ मतदाता पुगेका छन्। पोखरा महानगरपालिकामा पनि ३९ हजार ६४४ मतदाता बढेका छन्। त्यहाँ २०७४ सालमा १ लाख ६८ हजार ६८ मतदाता रहेकोमा अहिले २ लाख ७ हजार ७१२ मतदाता पुगेका छन्।
वीरगञ्ज महानगरपालिकामा पनि १६ हजार १४६ मतदाता बढेका छन्। त्यहाँ २०७४ सालमा १ लाख ८ हजार ५०१ मतदाता रहेकोमा अहिले १ लाख २४ हजार ६४७ मतदाता पुगेका छन्। विराटनगर महानगरपालिकामा पनि १९ हजार ३८१ मतदाता बढेका छन्। त्यहाँ २०७४ सालमा १ लाख १३ हजार ७६१ मतदाता रहेकोमा अहिले १ लाख ३३ हजार १४२ मतदाता पुगेका छन्।
उपमहानगरपालिकामा पनि उल्लेखनीय रुपमा मतदाताको संख्या बढेको छ। इटहरि उपमहानगरपालिकामा २०७४ सालमा ५७ हजार ४७६ मतदाता रहेकोमा यसपटक १ लाख ४ हजार ६२६ पुगेका छन्। त्यस्तै, धरान उमहानगरपालिकामा २०७४ सालमा ५३ हजार ८१२ मतदाता रहेकोमा यसपटक १ लाख ३२४ मतदाता पुगेका छन्।
जनकपुर उपमहानगरपालिकामा २०७४ सालमा ७५ हजार ५९४ जना मतदाता रहेकोमा अहिले ८६ हजार ७६९ मतदाता पुगेका छन्। त्यस्तै, कलैया उपमहानगरपालिकामा २०७४ सालमा ५६ हजार ४९० मतदाता रहेकोमा अहिले ७० हजार ३५६ मतदाता पुगेका छन्। जितपुर उमहानगरपालिकामा २०७४ सालमा ५६ हजार ६६० मतदाता रहेकोमा अहिले ७० हजार ६४ मतदाता पुगेका छन्।
हेटौँडा उपमहानगरपालिकामा २०७४ सालमा ८३ हजार ५९७ मतदाता रहेकोमा अहिले १ लाख ४ हजार ४७३ मतदाता पुगेका छन्। बुटवल उपमहानगरपालिकामा २०७४ सालमा ६६ हजार ६६३ मतदाता रहेकोमा अहिले ९० हजार ६५ पुगेका छन्।
तुलसीपुर उपमहानगरपालिकामा २०७४ सालमा ७६ हजार ८९३ मतदाता रहेकोमा अहिले १ लाख ७ हजार ६७७ मतदाता पुगेका छन्। त्यस्तै, घोराही उपमहानगरपालिकामा २०७४ सालमा ७८ हजार ४२७ मतदाता रहेकोमा अहिले १ लाख १२ हजार ९२७ मतदाता पुगेका छन्।
नेपालगञ्ज उपमहानगरपालिकामा २०७४ सालमा ६२ हजार ३९७ मतदाता रहेकोमा अहिले ८१ हजार ७९४ मतदाता पुगेका छन्। त्यस्तै, धनगढी उपमहानगरपालिकामा २०७४ सालमा ७६ हजार ४३० मतदाता रहेकोमा अहिले ९३ हजार १५१ मतदाता पुगेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771329290.png)
-1764146706.png)
