काठमाडौं– धनगढी उपमहानगरपालिकामा गठबन्धनका उम्मेदवारहरूले संयुक्त प्रतिबद्धतापत्र सार्वजनिक गरेका छन्। उनीहरूले धनगढीलाई महानगर बनाउने योजनासहितको प्रतिबद्धतापत्र सार्वजनिक गरेका हुन्।
भौतिक संरचना निर्माणको जगमा रहेर धनगढीलाई महानगरपालिका बनाउन पूरा गर्ने उनीहरूले उल्लेख गरेका छन्। धनगढी उपमहानगरपालिकालाई समृद्ध, सुन्दर र व्यवस्थित नमुना शहरका रुपमा विकास गर्न आवश्यक सबै भौतिक संरचनाहरु तयार भइसकेकाले थप योजना बनाएर काम गरिने उल्लेख छ।
‘सुरुको एक वर्ष हामीलाई कर्मचारी र स्रोत व्यवस्थापन, नीति तथा ऐन कानुननिर्माण र व्यवस्थितनगरको दिगो खाकानिर्माणको चुनौती रहयो,’ मेयरका उम्मेदवार नृपबहादुर वडले भने, ‘बीचका २ वर्ष कोरोनामहामारीले सिर्जना गरेका समस्याहरुको व्यवस्थापनमा बिते। पहिलेदेखि नै अव्यवस्थित ढंगले विकास र विस्तार भइरहेको धनगढी उपमहानगरको व्यवस्थित विकासको जग बसाल्ने चुनौती रह्यो।’
सबै तमाम चुनौती र कठिनाइहरुका बीच पनि आम नगरबासीको चाहना र आवश्यकताका आधारमा विकास निर्माण तथा सेवा प्रवाहलाई अघि बढाएको उनले बताए।
नेकपा माओवादी केन्द्रबाट उपप्रमुखकी उम्मेदवार रहेकी शान्ती अधिकारीले घोषणापत्रमा उल्लेख गरेका बुँदागत रुपमा कार्यान्वयन गर्ने प्रतिवद्धता व्यक्त गरिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771329290.png)
-1764146706.png)
