विराटनगर– इलाम र झापामा भएका छुट्टाछुट्टै सवारी दुर्घटनामा परी साेमबार ३ जनाको मृत्यु भएको छ।
इलामको माङसेबुङ गाँउपालिका–३ मा ट्याक्टरको ठक्करबाट माङसेबुङ–६ का ३० वर्षीय शरण राईको मृत्यु भएको छ।
माङसेबुङबाट दमकतर्फ आउँदै गरेको ना६त ४०२३ नम्बरको ट्याक्टरले राईलाई ठक्कर दिएको थियो। गम्भीर घाइते राईलाई उपचारका लागि दमकतर्फ ल्याउनेक्रममा बाटोमै मृत्यु भएको प्रहरी चौकी, बाँझोले जनाएको छ।
ट्याक्टरका चालक फरार भएकाले खोजतलास भइरहेको प्रहरीको भनाइ छ।
यसैगरी, झापाको बाह्रदशी–६ मा मे१प २९४३ नम्बरको मोटरसाइकल दुर्घटना हुँदा ४० वर्षीय चालक सेनकुवा राजवंशीको मृत्यु भएको छ।
कुकुरलाई जोगाउन खोज्दा गएराति ११ बजेतिर मोटरसाइकल दुर्घटना भएको थियो। घाइते राजवंशीलाई उपचारका लागि अस्पताल पुर्याउने क्रममा बाटोमा नै मृत्यु भएको थियो।
यस्तै, झापा शिवसतासी–८, झिलझिलेमा मे५प ६८०९ नम्बरको मोटरसाइकलले ठक्कर दिँदा भारत बिरपुर घर भइ हाल झिलझिले चोकमा बस्दै आएका १९ वर्षीय मोहमद सहनीको मृत्यु भएको छ।
स्थानीय समिर ग्यारेजका मिस्त्रीसमेत रहेका सहनीलाई गएराति ९ बजे बाटो काट्ने क्रममा मोटरसाइकलले ठक्कर दिएको थियो। उनको विएनसी अस्पताल विर्तामोडमा उपचारका क्रममा मृत्यु भएको इलाका प्रहरी कार्यालय झिलझिलेले जनाएको छ।
मोटरसाइकल चालक शिवसतासी–८ का रोजल गजमेरलाई प्रहरीले नियन्त्रणमा लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786360041.jpg)
-1786602170.png)
-1789992067.jpeg)
-1789631269.jpg)
