काठमाडौं– राष्ट्रिय प्रजातन्त्र पार्टीले काठमाडौं महानगरसहित ३४ स्थानीय तहको उम्मेदवार टुङ्गो लगाएको छ। केही स्थानमा भने अन्तिम टुङ्गोमा पुग्न छलफल चलिरहेको राप्रपाका प्रवक्ता मोहन श्रेष्ठले बताए।
पार्टीले काठमाडौं महानगरको मेयरमा मदनदास श्रेष्ठ, उपमेयर विनिता मगैया, ललितपुर महानगरको मेयरमा अष्ट महर्जन, उपमेयर स्वर्णिमा शाक्य, पोखरा महानगरमा शंकर खराल र उपप्रमुखमा रञ्जु सेनलाई उम्मेदवार बनाएको छ।
त्यसैगरी, वीरगज महानगरमा गिरिश गिरी, उपमेयरमा बिना जयसवाल, बुटवल उपमहानगरमा मृगेन्द्र शेरचन, शुक्लाफाँटा नगरपालिकाको प्रमुखमा जित बहादुर भण्डारी र उप-प्रमुखमा लक्ष्मी चन्द, विर्तामोडको प्रमुखमा ध्रुब उप्रेती, उपप्रमुखमा रञ्जु प्याकुरेल, सिद्धार्थनगरमा सागर प्रताप राणा उम्मेदवार बनेका छन्।
त्यसैगरी, पार्टीले देवदहमा माधव रिमाल, तिलोत्तमामा भुवन खनाल, सैनामैनामा मीनप्रसाद घिमिरे, तानसेन नगर प्रमुखमा सुदीप रेग्मी र उप प्रमुखमा बिर्जु खाती, दमकमा राम थापा, गौरादहमा गोपाल पौड्याल, उपमेयरमा भरिपूर्ण राई, जिरीको मेयरमा किरण खड्का उपमेयरमा श्रृष्टि न्यौपानेलाई उम्मेदवार बनाएको छ।
ललितपुरको गोदावरीमा मेयरमा राजकुमार महर्जन, उपमेयरमा रञ्जिता श्रेष्ठ खत्री, झापाको कचनकवलको प्रमुखमा अञ्जार आलम र उपप्रमुखमा निमसरी राजवंशी, मेचीनगरको मेयरमा रमेश दाहाल, उपमेयरमा सबिना बजगाँई, झापाकै बाह्रदशीमा रामकुमार सिंह राजवंशी र उपप्रमुखमा कमला कार्की, हल्दिबारीको प्रमुखमा रवीन्द्र लिङ्देन, उपप्रमुखमा लक्ष्मी मैनाली, कञ्चनपुरको भिमदत्त नगरपालिका प्रमुखमा गजेन्द्र चन्द, उपमेयरमा हेलेन श्रेष्ठलाई अघि सारिएको राप्रपाले बताए।
बेलौरी नगरपालिका प्रमुखमा अभिषेक जोशी, दार्चुलाको गोकुलेश्वर नगरपालिकाको प्रमुखमा रामानन्द सरस्वती, बर्दियाको मधुवन नगर प्रमुखमा गिरिराज पुरुष, तनहुँको व्यास नगरको प्रमुखमा दौलत अधिकारी, भानु नगर प्रमुखमा शेरजंग अधिकारी, भीमादमा विष्णुभक्त खनाल, शुक्लागण्डकीमा विष्णु थापा मगर, बाराको निजगढमा मेयरमा सावित्री देवी भारती, उपमेयरमा वासुदेव तिमल्सिना, स्याङ्जाको चापाकोट नगरपालिकाको मेयर पदमा मुन शाह र उपमेयरमा जीवन पंगेनी, पुतलीबजारमा तुलसिंह ठकुरी, गोरखा नगरपालिकाको प्रमुखमा रुद्रराज पाण्डे र उपप्रमुखमा सम्झना लामिछाने उम्मेदवा रबनेका छन्।
काठमाडौंको बूढानीलकण्ठ नगर प्रमुखमा निनादेवी भेटवाल, कोहलपुर नगरको प्रमुखमा प्रदीप शाह र उपप्रमुखमा साबित्रा घिमिरे, कैलालीको घोडाघोडीको प्रमुखमा निरज मल्ल, दाङको घोराही उपमहानगरको प्रमुखमा सरिता देवकोटालाई उम्मेद्वार बनाउने निर्णय गरेको छ ।
धेरै स्थानीय तहमा उमेदवारी टुंगो लगाउन बैठक जारी छ। आज साँझसम्म अधिकांश स्थानीय तहको उमेदवारी टुंगो लाग्ने प्रवक्ता मोहन श्रेष्ठले जानकारी दिएका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
