काठमाडौं- युवा तथा खेलकुदमन्त्री जगतबहादुर विश्वकर्माले मन्त्रालयमा सीमित स्रोत-साधन र वाध्यताका कारण पर्याप्त बजेट नभएको बताएका छन्।
राष्ट्रियसभाको आजको बैठकमा विनियोजन विधेयक, २०७५ माथिको छलफलका क्रममा उठेका प्रश्नको जावाफ दिँदै मन्त्री विश्वकर्माले राष्ट्रिय बजेटको शून्य दशमलब ३१८ प्रतिशत अर्थात् ४ अर्ब मात्र बजेट विनियोजन भएको बताए।
खेल क्षेत्र दुरास्थामा रहेकाले भौतिक पूर्वाधार निर्माणमा ध्यान दिनुपर्ने बताए। उनले देशभरका ७ सय ५३ वटै स्थानी तहमा रंगशाला निर्माण गर्न मन्त्रालयले समन्वयकारी भूमिका निर्वाह गरेको भन्दै स्थानीय तहदेखि नै खेल क्षेत्रको विकास गरिने बताए।
खेलाडीको कोठा सम्मानले भरिए पनि उनीहरुको उचित संरक्षण गर्न नसकिएको भन्दै सरकारले खेलाडीको स्वास्थ्य बीमा, जीवन बीमा एवं भत्ताको व्यवस्था गर्ने जानकारी दिए।
'स्थानीय, प्रदेश एवं केन्द्रीयस्तरमा नियमित रुपमा प्रतियोगिता सञ्चालनका लागि प्रोत्साहन गरिएको छ,' उनले भने, 'उच्चस्तरको प्रविधियुक्त तालिम तथा पूर्वाधारका लागि पर्याप्त बजेट भने छैन।' उनले भौगोलिक क्षेत्रमा खेलको विकास गरेर पर्यटन प्रवर्धन गर्न सकिने उनले बताएका छन्।
आगामी मंसिरमा आठौं राष्ट्रिय खेलकुद प्रतियोगिता नेपालगञ्जमा आयोजना गर्न मन्त्रालय केन्द्रित भएको जानकारी दिँदै उनले त्यस क्षेत्रमा पूर्वाधार निर्माणका लागि केही बढी खर्च भएको जनाए।
काठमाडौं र पोखरामा हुने तेह्रौं दक्षिण एसियाली खेलकुदका लागि आफूले सीमित साधन स्रोतको परिचालन गरिरहेको मन्त्री विश्वकर्माको भनाइ छ। मितव्ययी तवरले अन्तर्राष्ट्रिय खेलकुद प्रतियोगितामा योग्य खेलाडी र प्रशिक्षक पठाइने प्रतिबद्धता व्यक्त गर्दै उनले घुम्न जाने परम्परालाई तोडिने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789992067.jpeg)
-1789631269.jpg)
