काठमाडौं– सत्तारुढ गठबन्धनले स्थानीय तहको निर्वाचनका लागि उम्मेदवार सिफारिस गर्ने सम्बन्धमा मापदण्ड बनाएको छ।
प्रधानमन्त्रीको सरकारी निवास बालुवाटारमा मंगलबार साँझ बसेको गठबन्धनको बैठकले उम्मेदवार सिफारिस गर्नेसम्बन्धी मापदण्ड तय गरेको हो।
मंगलबारको बैठकले बनाएको मापदण्डअनुसार नै अब तल्ला तयका समितिहरुले उम्मेदवार सिफारिस गर्ने नेपाली कांग्रेसका नेता एवम् सञ्चार तथा सूचना प्रविधिमन्त्री ज्ञानेन्द्र बहादुर कार्कीले जानकारी दिए।
महानगरपालिकाका उम्मेदवार सिफारिस र भागबण्डाका विषयमा निर्णय गर्न फेरि बैठक बस्ने कार्कीको भनाइ छ।
'आजको बैठकले मापदण्ड बनाइएको छ। त्यसको आधारमा तल्ला तहहरूले टुङ्गो लगाउने छन्,' उनले भने, 'महानगरका लागि फेरि गठबन्धनको बैठक बसेर निर्णय गरिन्छ।'
मंगलबार बसेको गठबन्धनको बैठकले मातहतका समितिहरुलाई उम्मेदवारको नाम तथा चुनावी तालमेलको वस्तुस्थिति सहितको प्रतिवेदन पेस गर्न वैशाख ४ सम्मको समयसीमा थप गर्ने निर्णय समेत गरेको छ।
बैठकले स्थानीय समितिहरुलाई वैशाख ४ सम्म उम्मेदवारको नामसहित तालमेल प्रतिवेदन दिन समयसीमा दिएको कांग्रेस नेता कृष्णप्रसाद सिटौलाले जानकारी दिए।
स्थानीय आवश्यकता र औचित्यअनुसार गठबन्धनको खाका पेस गर्न स्थानीय संयन्त्रहरुलाई यसअघि नै भनिएको थियो। मंगलबारको बैठकमा ती संयन्त्रहरुको प्रतिवेदनमा उम्मेदवारको समेत टुंगो लगाउने विषयमा छलफल भएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1765528419.png)
-1764146706.png)
-1763721444.png)
-1765273665.jpg)
