शंकर पोखरेल, फाइल तस्बिर
काठमाडौं– नेकपा एमालेका महासचिव शंकर पोखरेलले आफूहरु निर्वाचन आचारसंहिताप्रति प्रतिबद्ध रहेको बताएका छन्। बिहीबार आचारसंहिताका सन्दर्भमा आफ्नो चासोहरु निर्वाचन आयोगसमक्ष राखेपछि उनले त्यसप्रति प्रतिबद्ध रहेको बताएका हुन्।
एमालेको तर्फबाट आयोगलाई लिखित पत्र पनि दिइएको छ। 'हामीले आचारसंहिताप्रति प्रतिबद्ध छौँ भनेकै छौँ। आचारसंहिता पालना गर्छौँ, प्रतिबद्ध छौँ। हाम्रो कन्सर्नहरु राखेका छौँ', आयोगसँगको छलफलपछि पत्रकारहरुसँग महासचिव पोखरेलले भने।
पोखरेलले आफूहरुले प्रणालीलाई स्थापित गर्न चाहेको बताए। 'हामीले प्रतिपक्षमा छौँ भन्ने अर्थमा आफ्नो फाइदाको कुरा मात्रै गर्दैनौँ। प्रणाली कसरी स्थापित गर्न सकिन्छ भन्ने नै हाम्रो कन्सर्न हो। त्यो चिज हामीले निर्वाचन आयोगलाई भनेका छौँ', उनले भने।
निर्वाचन आयोगले यसअघि आचारसंहिताप्रति प्रतिबद्धता जनाउन बोलाएको कार्यक्रममा विवाद भएको थियो। विवादकै कारण एमालेका प्रतिनिधिहरु हस्ताक्षर नगरी फर्किएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768295773.png)
-1764146706.png)
