काठमाडौं– हिरोको नेपालका लागि आधिकारिक बिक्रेता एनजीएम हिरोले नयाँ एडभेन्चर बाइक हिरो एक्सपल्स –२००–४भी सार्वजनिक गरेको छ। कम्पनीले आइतबार एडभेन्चर मोटरसाइकल एक्सपल्स–२०० ४–भी नेपाली बजारमा सार्वजनिक गरेको हो।
२०० सीसी क्षमताको यो बाइकको इन्जिन क्षमता निकै शक्तिशाली रहेको कम्पनीको दाबी छ। त्यस्तै यो नयाँ बाइक सार्वजनिक भएसँगै कम्पनीको प्रिमियम बाइक अन्तर्गतको पोर्टफोलियो विस्तार भएको कम्पनीले जनाएको छ। कम्पनीले यो बाइकको बजार मूल्य ४ लाख ५० हजार रुपैयाँ तोकेको छ।
नयाँ एडभेन्चर यो बाइकको बाहिरी आवरण, इन्जिन क्षमता, कुलिङ सिस्टम, सिट डिजाइन र हेडल्याम्पहरूमा परिवर्तन गरेको छ।
यो बाइकमा कुल्ड इन्जिन दिइएको छ जुन इन्जिनले १९.१ पीएस पावर र १७.३५ एनएम टर्क प्रदान गर्छ। बाइकमा सात स्पिड गियरबक्स उपलब्ध रहेको छ। यसको अगाडि २७६ एमएम र पछाडि २२० एमएम डिस्क ब्रेक छ। त्यस्तै बाइकमा सिंगल–च्यानल एबिएससहितको डिस्क ब्रेक छ।
यो बाइकले नेपालको अफ रोडमा एक लिटर पेट्रोलले ४५ किलोमिटर भन्दा धेरै दूरी पार गर्न सक्ने कम्पनीको दावी छ। सो बाइकमा १३ लिटर क्षमताको इन्धन ट्यांकी दिइएको छ भने यसले वजन १५८ केजी रहेको छ।
यसमा ओइल कुल्ड प्रविधि छ। यसको ट्रान्समिसन र गियर रेसिओमा समेत कम्पनीले अपडेट गरेको छ। बाइकमा अपग्रेड गरिएको एलइडी हेडल्याम्प छ। यसमा पुरै एलसिडी इन्सेट्रुमेन्ट क्ल्सटर दिइएको छ। जसमा स्मार्ट कनेक्टिभिटी, कल अलर्ट, टर्न–बाइ–नेभिगेसन, गियर इन्डिकेटर, इको मोड, डुअल ट्रिप मिटरलगायत एकै पटक देख्न सकिन्छ।
कम्पनीले चालक र यात्रुको सुरक्षालाई पनि विशेष ध्यान पु¥याएको छ। बाइकको अगाडिको टायर २१ इन्च र पछाडि १८ इन्चको छ। यसको अगाडि १९० एमएम र पछाडि १७० एमएम सस्पेन्सन छ।
नयाँ एक्सपल्स–२०० ४भीमा विन्डसिल्ड, अपग्रेड गरिएको सिट, युएसबी चार्जर र लगेज प्लेटहरू पनि पाउन सकिन्छ। यो बाइक ट्रेल ब्लु (निलो), ब्लिज ब्लु र रेड रेड (रातो) गरी तीन विभिन्न रंगमा उपलब्ध छ।
यस्तै कम्पनीले ग्ल्यामर एक्सटेक पनि सार्वजनिक गरेको छ। यसको मूल्य नेपाली बजारमा २ लाख ७६ हजार रुपैयाँ रहेको छ। यस्तै स्कुटर मेइस्ट्रो इज १२५ पनि सार्वजनिक गरेको छ। यसको बजार मूल्य नेपाली बजारमा २ लाख ६६ हजार रुपैयाँ रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
