काठमाडौं– नेपाली कांग्रेस चितवन जिल्ला कार्यसमितिले भरतपुर महानगरपालिकाको मेयरमा दाबी गर्ने निर्णय गरेको छ।
आइतबार बसेको जिल्ला कार्यसमितिको बैठकले भरतपुर महानगरपालिकाको मेयर पदमा कांग्रेसको उम्मेदवार रहने गरी अरु पालिकामा गठबन्धनका दलहरुबीच तालमेल गरेर जाने निर्णय गरेको हो।
बैठकको निर्णयबारे जानकारी दिँदै कांग्रेस चितवनका सभापति राजेश्वर खनालले भने, 'नेपाली काँग्रेस चितवनको आजको बैठकको निर्णयको बटम लाइन भनेको भरतपुर महानगरपालिकाको प्रमुख पदमा नेपाली कांग्रेसको उमेदवार हुने हो ।’
आगामी वैशाख ३० गते हुने स्थानीय तह चुनावमा तालमेल गर्ने निर्णय गरेको सत्तारुढ गठबन्धनमा रहेको माओवादी केन्द्रले पनि भरतपुरको मेयरमा दाबी गरेको छ। हाल माओवादी केन्द्रकै रेणु दाहाल भरतपुरको मेयर छन्।
माओवादी केन्द्रका अध्यक्ष पुष्पकमल दाहाल (प्रचण्ड)ले सार्वजनिक रुपमै भरतपुरको मेयरमा आफ्नो पार्टीको दाबी रहने बताएका थिए।
तर, कांग्रेस चितवनका अधिकांश नेताहरुले भरतपुर महानगरपालिका प्रमुखको दाबी अब कांग्रेसले छाड्न नहुने बताउँदै आएका थिए।
केही दिन अगाडि बसेको कांग्रेस केन्द्रीय समितिको बैठकमा समेत केन्द्रीय सदस्यहरुले भरतपुर माओवादीलाई छाड्न नसकिने बताउँदै आएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775566576.png)
-1764146706.png)
