काठमाडौं- नेपाली कांग्रेसले स्थानीय तहको निर्वाचनमा गठबन्धन गर्ने निर्णय गरेको छ।
स्थानीय आवश्यकता र अवस्थाअनुसार गठबन्धन गर्ने निर्णय गरेको हो। प्रवक्ता डा प्रकाशशरण महतले स्थानीय आवश्यकता र अवस्था हेरेर गठबन्धन गर्ने निर्णय भएको जानकारी दिए।
चारदिनसम्म चलेको केन्द्रीय समिति बैठकपछि निर्णय सुनाउँदै प्रवक्ता महतले सर्वसम्वत रुपमा गठबन्धन गर्ने निर्णय भएको दाबी गरे।
स्थानीय तह निर्वाचनमा बहुसंख्यक स्थानीय तहमा विजयी हुने आधार तय भएको, घर घर जाउँ, नेपाली कांग्रेस जिताऔं अभियानले उत्साह थपेको भन्दै उनले सबैलाई जुट्न अपिल गर्ने निर्णय गरेको बताए।
प्रवक्ता महतले नेपाली कांग्रेसको बहुसंख्यक स्थानीय तहमा विजयी हुने आधार बनेकाले गठबन्धन आवश्यकता अनुसार तालमेल गर्न सक्ने गरी केन्द्रीय समिति बैठकले नीतिगत निर्णय गरेको उनले बताए।
त्यस्तै, आगामी वैशाख ३० गते हुने निर्वाचनका लागि दुई वटा समिति पनि गठन गरेको छ। उपसभापति पूर्णबहादुर खड्काको नेतृत्वमा स्थानीय तह निर्वाचन परिचालन समिति गठन गरेको छ भने केन्द्रीय प्रचार प्रसार समिति प्रवक्ता प्रकाशशरण महतको नेतृत्वमा गठन गरेको छ।
त्यस्तै, नेपाली कांग्रेसको विधान अनुसार कार्य सम्पादन समितिले गरेको निर्णय अनुमोदन गर्ने पनि बैठकले निर्णय गरेको उनले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1755350564.jpg)
-1764146706.png)
