न्युयाेर्क– संयुक्त राष्ट्रसंघका महासचिव एन्टिनियो गुथ्रेसले दक्षिणपश्चिम सिरियामा भइरहेका सैन्य गतिविधि रोक्न सम्बन्धित पक्षसँग आग्रह गरेका छन्।
उनले बुधबार विज्ञप्तिमार्फत सिरियामा भइरहेका सैन्य गतिविधि ‘तत्काल रोक्न’ आग्रह गरेका जनाइएको छ।
यस क्षेत्रमा पछिल्ला केही दिन यता सरकारी फौजद्वारा विद्रोही नियन्त्रित क्षेत्रमा सुरक्षा कारबाहीलाई कडा पारेको छ। जसका कारण यहाँका करिब १ सय सर्वसाधारणले ज्यान गुमाएका छन्।
यस घटनाबाट राष्ट्रसंघीय प्रमुख चिन्तित बनेको उनका प्रवक्ता स्टेफेन दुजारिकले बताए।
महासचिव गुथ्रेसले सुरक्षा कारबाही जारी रहेको दक्षिणपश्चिमी क्षेत्रलाई जोर्डन, रूस र संयुक्तराज्य अमेरिकाबीच द्वन्द्वरहित क्षेत्र बनाउन सहमति भएको ध्यानाकर्षण गराएका छन्।
सन् २०११ बाट सुरु भएको सिरियाली गृहयद्धमा परि हालसम्म ४ लाखको हाराहारीमा मानिसको मृत्यु भएको छ भने ६३ लाखभन्दा बढी विस्थापित भएका छन्। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790066546.png)
-1790064844.png)
-1786602170.png)
-1789631269.jpg)
