काठमाडौं- निर्वाचन आयोगले सर्वोच्च अदालतबाट पुन: उम्मेदवार हुन जनप्रतिनिधिलाई रोक्ने आचार संहिता रोक लगाएको कुरा पालना गर्ने प्रतिक्रिया दिएको छ।
निर्वाचन आयोगका सहायक प्रवक्ता सूर्यप्रसाद अर्यालले अहिले जारी भएको आदेश पालना हुने बताए। ‘यो अन्तरिम आदेश मात्र हो। अन्तिम फैसला होइन’ उनले भने,‘आयोगले निर्माण गरेको एउटामात्र दफामा अन्तरिम आदेश भएको हो। अहिलेलाई सर्वोच्चको आदेश कार्यान्वयन हुन्छ। फैसला हुँदा के हुन्छ त्यही अनुसार आयोगले पालना गर्छ।’
सर्वोच्चले केही दिन अघि हाल जनप्रतिनिधि रहेका व्यक्तिहरुलाई पुन: निर्वाचनमा भाग लिन राजीनामा दिनुपर्ने व्यवस्था तत्काल कार्यान्वयन नगरी लिखित जवाफसहित उपस्थित हुन भनेको थियो।
न्यायाधीश बमकुमार श्रेष्ठको एकल इजलासले छलफलमा बोलाउँदै यस्तो आदेश जारी गरेको थियो। सिन्धुपाल्चोकको हेलम्वु गाउँपालिका अध्यक्ष निमा ग्याल्जेन शेर्पाले आयोगको आचार संहिताविरुद्ध रिट दायर गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1755350564.jpg)
-1764146706.png)
-1772170907.png)
