काठमाडौं– नेकपा एमालेको पोलिटब्युरो बैठकले आगामी वैशाख ३० गते हुने स्थानीय तहको निर्वाचनमा भाग लिने उम्मेदार छान्न ६ वटा मापदण्ड निर्धारण गरेको छ। सोमबार बसेको बैठकले गाउँपालिका, नगरपालिका, उपमहानगर र महानगरपालिकाको उम्मेदवार सम्बन्धी मापदण्ड पारित गरेको हो।
आगामी चैत ९ र १० गते हुने केन्द्रीय समिति बैठकमा पेस गर्ने अजेण्डाका बारेमा छलफल गर्न बसेको बैठकले सचिवालयबाट पारित भएका निर्णयलाई अनुमोदन गरेको पनि एमाले प्रचार विभाग प्रमुख एवं उपमहासचिव पृथ्वीसुब्बा गुरुङले बताए।
बैठकले ११ वटा अजेण्डा पारित गरेको गुरुङले बताए। ‘निर्वाचनमा पार्टीको के अजेण्डा र नारा छ भन्ने बारेमा समग्र प्रतिवद्धतापत्र तयार हुन्छ ’ गुरुङले भने, ‘उक्त प्रतिवद्धतापत्र पार्टीको स्थापना दिवसको अवसर पारेर देशभर नै एकै पटक सार्वजनिक हुन्छ।’
केन्द्रीय समिति बैठकमा भूगोलका अध्यक्षले लिखित रिपोर्ट पेस गर्ने, आयोग, विभाग लगायतको प्रतिवेदन महासचिवले पेस गर्ने र पार्टी अध्यक्षले राजनीतिक प्रतिवेदन पेस गर्ने उनले बताए।
त्यस्तै, आजको बैठकले स्थानीय निर्वाचनमा उम्मेदवार हुनेहरुको विधि र प्रक्रिया र सिफारिस गर्ने बारे पनि निर्णय गरेको उनले बताए। वडाको हकमा वडा कमिटी, गाउँपालिकाको हकमा गाउँ कमिटी र नगरपालिको हकमा नगर कमिटीले सिफारिस गर्ने उनले बताए।
महानगरको मेयर र उपमेयरको प्रदेशको सिफारिसमा हुने गुरुङले बताए। त्यस्तै, हाल वहाल रहेका निर्वाचित जनप्रतिनिधिहरुको हकमा उनीहरुले गरेको काम र लोकप्रियता तथा फेरि विजयी हुने सुनिश्चितता पनि हेरेर निर्णय गरिने प्रचार विभाग प्रमुख गुरुङले बताए।
उनका अनुसार पार्टीप्रतिको निष्ठा र समावेशी तथा सन्तुलन हेरेर उम्मेदवार छनोट गरिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1755350564.jpg)
-1764146706.png)
-1772170907.png)
