राजविराज– किर्ते गरी अर्काको जग्गा बिक्री गर्ने सप्तरीको राजविराज नगरपालिका–११, फर्सैठका ७४ वर्षीय फुदन साहलाई प्रहरीले पक्राउ गरेको छ। साहलाई सोमबार पक्राउ गरी बुधबार सार्वजनिक गरिएको हो।
राजविराज नगरपालिका–६ की उषा अर्यालको नाममा रहेको कित्ता नम्बर ३५२ को ३ कठ्ठा ९ धुर जग्गा साहले आफ्नो नाममा गरेको प्रहरीले जनाएको छ। मालपोत कार्यालयबाट २०७४ पुष १३ गते आफ्नो नाममा गरेको एक साता भित्रै साहले पुनः सो जग्गा स्थानीय २ महिलालाई बिक्री गरीसकेको देखिएको सप्तरी प्रहरीका डिएसपी भावेस रिमालले बताए। जग्गा खरिद गर्ने महिला माथि पनि अनुसन्धान सुरु गरिएको छ।
जग्गा खरिद बिक्रिमा मालपोत कार्यालयका कर्मचारी पनि संलग्न भएको आशंकामा प्रहरीले सुक्ष्म अनुसन्धान गरिरहेको रिमालले बताए। ‘अर्यालको नामबाट साहको नाममा राजिनामा पास गरेर किर्ते गरेको पाइयो’, रिमालले भने, ‘घटनामा संलग्न देखिएका सबैमाथि अनुसन्धान जारी छ, सबैलाई कारबाही हुन्छ।’
लामो समय अमेरीका बसेर फर्किएकी जग्गाधनी अर्यालले आफ्नो जग्गा बिक्री भइसकेको थाहा पाएपछि प्रहरीमा उजुरी दिएकी थिइन्। सोही उजुरीका आधारमा साह पक्राउ परेका हुन्।
यसअघि २०७१ जेठ ७ गते पनि राजगठ गाउँपालिका ३ का रामकेवल यादवको १३ कठ्ठा १ धुर जग्गा किर्ते गरी बिक्री गरिएको थियो। सो आरोपमा २ जना पक्राउ परेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773643707.png)
