थाइल्यान्ड– थाइल्यान्डमा फुटबल खेल्न जादाँ हराएका एक प्रशिक्षकसहित १३ जना बालकलाईलाई गुफाभित्र फेला पारिएको छ। गएको ९ दिनदेखि हराइरहेका उनीहरुलाई थाइल्यान्डको चियांग राईको थाम लुएङ गुफामा फसेको अवस्थामा गएराति फेला पारिएको हो।
सोमबार मध्यरातमा २ बेलायती उद्धारकर्ताहरुले उनीहरु रहेको स्थानको बारेमा पत्ता लगाएका थिए।
पानीले भरिएको गुफाभित्र छिर्न साँघुरो संरचना भएका कारण पौडी खेलेर जान मिल्ने अवस्था नभएको र भारी वर्षा भइरहेकाेले पानीको तह नघटेसम्म उनीहरु महिना दिनसम्म पनि गुफाभित्रै रहनसक्ने थाइल्याण्डको सेनाले जनाएको छ।
उद्धारमा खटिएका एक सेनाले गुफाभित्रको पानी घटाउने प्रयास भइरहेको जनाएका बिबिसीले लेखेको छ। थाई जल सेनाको विशेष फोर्सले सामाजिक सञ्जाल फेसबुकमा पोष्ट गरेको भिडियोमा सबै १३ जना पानीको सतहभन्दा पर बसेको देख्न सकिन्छ।
भिडियो:
टाढैबाट बेलायती उद्धारकर्ताहरुले छिट्टै नै तपाईंहरुको उद्धार गर्छौँ भन्दा एक बालकले ‘भोलि भेट्नेछौँ’ भन्ने जवाफ फर्काएका थिए।
फुटबल खेलेपछि गुफा घुम्न गएका उनीहरु गुफाभित्र पानीको भेल पसेपछि भित्रै फसेका थिए। गुफामा पानी भरिएको, भित्र पुग्न साँघुरो अवस्था रहेको र पानीबाट बच्न उनीहरु धेरै भित्र पुगेको कारण उद्धार गर्न कठिनाइ भएको थाइल्यान्डका सरकारी अधिकारीले जनाएका छन्।
हाल सबैको स्वास्थ्य अवस्था सामान्य रहेको र उनीहरुलाई गुफाभित्रै खाने कुरा तथा औषधिसमेत पुर्याइएको छ। गुफामा फसेका उनीहरुलाई हाल उद्धार गर्ने भरपुर प्रयास जारी रहेको बताइएको छ।
बिबिसीका अनुसार गुफामा फस्नेमा ११–१६ वर्ष उमेर समूहका १२ बालक र २५ वर्षीय फुटबल प्रशिक्षक रहेका छन्।
यसैबीच थाई नेपाली संघअन्तर्गत केन्द्रीय दुःख निवारण विभागले गुफामा फसेका खेलाडी र प्रशिक्षकका लागि खानेकुरा र औषधिको व्यवस्था गरेको संघका प्रतिनिधि दिपक पराजुलीले जानकारी दिए। पराजुलीका अनुसार संघकै मेसाई र चेमाई शाखा पनि उद्दारमा खटिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
