काठमाडौं– उपप्रधान एवम् स्वास्थ्य तथा जनसंख्या मन्त्री उपेन्द्र यादवले नागरिकहलाई स्वस्थ राख्न योगाभ्यास अनिवार्य रहेको बताएका छन्।
उपप्रधानमन्त्री यादवले नागरिकहरु अस्वस्थ खाद्यान्नको शिकार भएको भन्दै त्यसको मुक्तिका लागि पनि योगाभ्यास जरुरी रहेको बताएका हुन्। आइतबार काठमाडौंमा आयोजित ‘नेपालमा योगको महत्व र विकास’ विषयक अन्तरक्रिया कार्यक्रममा बोल्दै यादवले राजनीतिक क्षेत्रमा देखिएको विकृति हटाउन पनि योग नै उपयुक्त माध्यम हुने दावी समेत गरे।
उपप्रधानमन्त्री यादवले विद्यालय तहको पाठ्यक्रममा नै योगलाई अनिवार्य विषयको रुपमा समेट्नुपर्ने आवश्यक्ता पनि औंल्याए। स्वस्थ नागरिकका लागि योग सबैभन्दा उपयुक्त माध्याम भएको उनको तर्क छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
