काठमाडौंं– अभिनेता नाजिर हुसेनलाई लिएर फिल्म ‘ल्याङ्ग ल्याङ्ग’ को निर्माण घोषणा भएको छ। आइतबार काठमाडौंको पुतलीसडकस्थित एक क्याफेमा फिल्मको निर्माण घोषणा गरेको हो।
वितरक तथा निर्माता करण श्रेष्ठको डेब्यु निर्देशन रहने फिल्म ‘ल्याङ्ग ल्याङ्ग’ भदौको अन्तिम साताबाट छाँयांकनमा जाने निमार्ण टोलीले जानकारी गरायो।
हास्य र सामाजिक कथामा निर्माण हुने बताइएको फिल्ममा नाजिरसँगै, सुस्मिता बुर्लाकोटी, बुद्धि तामाङ, विजय बराल, भोला सापकोटा, कमलमणी नेपाल, राजन खतिवडा, सरिता गिरी, दमन रुपाखेती, शिबहरी पौड्याल, किसोर भण्डारी लगायतका कलाकाहरुको अभिनय रहनेछ। फिल्ममा मुख्य अभिनय रहने अभिनेत्रीको नाम भने खुलाइएन।
फिल्ममा ट्याक्सी ड्राइभर र बारमा काम गर्ने युवतीबीचको प्रेमकथालाई देखाउन खोजिएको निर्देशक श्रेष्ठले बताए।
श्रेष्ठका अनुसार नेपालको काठमाडौं, सिन्धुली लगायत बहराईन अष्ट्रेलिया जस्ता देशहरुमा फिल्मको छायांकन गर्ने लक्ष राखिएको छ। फिल्ममा टंक बुढाथोकीको संगीत तथा अजुर्न भट्टराईको गीत लेखन रहने छ।
‘ल्याङ्ग ल्याङ्ग’लाई सोम खुस्कु माझीले लेखेका हुन्। कविराज गहतराज र रामजी लामिछानेको कोरियोग्राफी रहने फिल्मलाई साहिल खानले सम्पादन गर्ने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
