गौशाला- महोत्तरी जिल्लाको मनरा नगरपालिका–७ सरपल्लो बजारमा एक मिठाई पसलमा शनिबार साँझ आगलागी हुँदा पाँच लाख बराबरको क्षति भएको छ।
जिल्ला प्रहरी कार्यालय महोत्तरीका प्रहरी उपरीक्षक कुँवेर कडायतका अनुसार, शनिबार सरपल्लो बजारमा अवस्थित तलेश्वर साहको मिठाई पसलमा भीषण आगलागी भएको थियो।
आगलागीमा परी मिठाई पसलभित्र रहेको मिठाई, नगद, भाँडाकुडा, फर्निचर र मिठाई पसल समेत जलेर पाँच लाख मूल्य बराबरको क्षति भएको पीडित मिठाई पसले साहले बताए।
मिठाई पसलमा काम गरिरहेको र ग्राहक समेत खचाखच भरिएको बेला पसलमा अचानक आगलागी भएकाले सबैथोक जलेर नष्ट भएको पीडित मिठाई पसले साहको भनाइ छ। (रासस)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
