काठमाडौं– कानुन, न्याय तथा संसदीय मामिलामन्त्री शेरबहादुर तामाङले प्रमुख प्रतिपक्षी दल नेपाली कांग्रेसले संसदीय समिति र संवैधानिक निकायमा अंश खोजेको बताएका छन्।
शनिबार रिपोर्टर्स क्लब नेपालले आयोजना गरेको साक्षात्कारमा मन्त्री तामाङले सत्ता बाहिर बस्नुपर्दा कांग्रेसी नेताहरुमा छटपटी बढेको र संवैधानिक नियुक्तिको लागि अंश खोज्न थालेको आरोप लगाएका हुन्।
उनले भने,‘संवैधानिक नियुक्ति गर्नको लागि संसदीय समिति किन बन्न सकेन? यसको कारण हो कांग्रेसले भाग खोज्नु, उसलाई विभिन्न समितिका सभापति चाहिएको छ।’, मन्त्री तामाङले कांग्रेसकै कारण संसदीय सुनुवाई समिति गठन हुन नसकेको दावीसमेत गरे। उनले अंश खोज्ने हो भने सरकारमा सहभागी हुन नेपाली कांग्रेसलाई आग्रह गरे।
मन्त्री तामाङले लोकतन्त्र विरोधी कुरा गर्ने नेपाली कांग्रेस प्रतिपक्षी दलको हैसियतमा नबसेको आरोप लगाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
