काठमाडौं– नेपाली कांग्रेसका प्रमुख सचेतक बालकृष्ण खाँडले ठूला दलका नेताबाट संविधान प्रतिकुल अभिव्यक्ति आएको भन्दै आपत्ती जनाएका छन्।
३०औं संसद दिवसको अवसरमा पूर्व सांसद मञ्चले शनिबार संघीय संसद भवनमा आयोजित कार्यक्रममा उनले संविधान कार्यान्वयनको दिशामा अघि बढ्दै गर्दा संविधानको मूल अवधारणामा नै प्रतिकुल प्रभाव पर्ने गरि जिम्मेवार ठूला दलका नेताबाट मुलुक फेरी एकपटक कार्यकारी प्रमुख निर्वाचनको दिशामा अघि बढ्छ भन्दै हिँडेकोमा आपत्ती जनाएका हुन्।
नेता खाँडले लामो संघर्ष र मेहनतका साथ संविधानसभाबाट बनेको संविधानले कार्यान्वयनको बामे सर्दै गर्दा जिम्मेवार नेताबाट संविधानको मूल अवधारणामा प्रतिकुल प्रभाव पर्ने अभिव्यक्ति आउनु गलत भएको टिप्पणी गरे। उनले ६० वर्षको इतिहास बोकेको संसदीय व्यवस्थामा देखिएका कमिकमजोरीलाई हटाई सफल व्यवस्थाको रुपमा स्थापित गराउन पुर्वाग्रहरहित ढंगले सहयोग गर्न पनि पूर्व सांसदहरुलाई आग्रह गरे।
प्रमुख सचेतक खाँडले सांसदले निर्वाह गरेको भूमिकाका कारण संसदीय व्यवस्था प्रति आम नागरिकको धारणा बन्ने भएकाले सबै सांसदहरु जिम्मेवार र सहज हुनुपर्ने आवश्यकता औँल्याए।
नेपाल कम्युनिस्ट पार्टी(ने क पा)का प्रमुख सचेतक देव गुरुङले राष्ट्रिय स्वाधिनता र प्रजातन्त्रको रक्षा एकसाथ अघि बढाउनुपर्ने आवश्यकता रहेको जिकिर गरे। नेपालमा बहुराष्ट्रिय कम्पनीहरुको बढ्दो एकाधिकारका कारण मुलुकको राष्ट्रिय स्वाधिनता र आन्तरिक लोकतन्त्र खतरामा पर्न सक्ने भएकाले त्यसतर्फ चनाखो हुनुपर्नेमा उनले जोड दिए।
२०१५ सालमा आम चुनाव भएर २०१६ साल असार १६ गते देशमा पहिलो पटक संसद बैठक बसेको सम्झनामा यो दिवस मनाउने गरिन्छ। २०४८ सालदेखि हरेक वर्ष यो दिवस मनाउँदै आइएको छ। पूर्व सांसद मञ्चको स्थापना भने स्वर्गीय नेता कृष्णप्रसाद भट्टराईको अगुवाइमा २०५७ भदौ १९ गते भएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
