उर्लाबारी, मोरङ- पथरीशनिश्चरे–१ स्थित एभरेष्ट बोर्डिङ स्कुलले २०७४ सालको एसइईमा सर्वोत्कृष्ट अंक ल्याउने दुई विद्यार्थीलाई जनही रु एक लाख पुरस्कार प्रदान गरेको छ। अन्य विद्यार्थीलाई पनि नगद पुरस्कार प्रदान गरिएको छ।
विद्यालयले शुक्रबार आयोजना गरेको कार्यक्रममा जिपिए ४ प्राप्त गर्ने समिता रिजाल र आदर्श न्यौपानेलाई सो पुरस्कार दिइएको विद्यालयका निर्देशक रवीन कन्दङ्वाले जानकारी दिए। यस्तै जिपिए ३.९५ प्राप्त गर्ने स्वस्तिका तिम्सिनालाई रु ६० हजार, जिपिए ३.९ प्राप्त गर्ने कुसुम लिम्बूलाई रु ५० हजार, जिपिए ३.८५ ल्याउने विवेक दुलाललाई रु २५ हजार र जिपिए ३.७५ प्राप्त गर्ने समीक्षा श्रेष्ठलाई रु १५ हजार प्रदान गरिएको थियो।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
