काठमाडौं– साम्राज्ञी राज्य लक्ष्मी शाह अभिनित फिल्म ‘इन्टु मिन्टु लण्डनमा’को टिजर सार्वजनिक गरिएको छ। कोरियोग्राफर रेनशा वान्तवा राईको डेव्यु निर्देशन रहेको ‘इन्टु मिन्टु लण्डनमा’को बिहीबार काठमाडौंमा पत्रकार सम्मेलन गर्दै टिजर सार्वजनिक गरिएको हो।
सार्वजनिक टिजरमा अभिनेत्री साम्राज्ञीका साथमा डेब्यु नायक धिरज मगरको रोमान्स देख्न सकिन्छ। लभ स्टोरी कथामा निर्माण भएको यस फिल्मलाई प्रभु शमशेर जबरा र प्रज्ज्वल शम्सेर जबराले निर्माण गरेका हुन्।
कार्यक्रममा साम्राज्ञीले फिल्म ‘इन्टु मिन्टु लण्डनमा’को स्क्रिप्ट सुन्ने बित्तिकै अभिनय गर्ने रहर जागेर आएको अनुभव सनुाइन्। उनको पाँचौ फिल्म हो। ‘पाँचौ फिल्म भइकनपनि मेरो लागि यो फिल्म खास छ।’, साम्राज्ञीले भनिन्। त्यस्तै अभिनेता धिरजले पनि लण्डनमा पहिलोपटक फिल्मको बारेमा सुनेर अभिनयका लागि हतारिएको सुनाए।
करिब एक वर्ष अघिबाट निमार्णमा जुुटेको फिल्म युनिटले लामो समय लागाएर फिल्मको टिजर सार्वजनिक गरेको हो। निमार्ण युनिटले विश्वकप फुटबल सकिए लगतै फिल्मको गीत पनि सार्वजनिक गर्ने कार्यक्रममा जानकारी गराएको छ।
नेपाल र युकेका विभिन्न स्थानमा फिल्मको छायांकन गरेको फिल्ममा साम्राज्ञी र धिरजका साथमा विवेक लिम्बू, शारुक ताम्राकार, सुनिशा बजगाइँ लगायतका कलाकारहरुको अभिनय देख्न सकिन्छ।
हेर्नुहाेस् भिडियाे:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
