नारायणगढ-मुग्लिन सडकको अवस्था के छ? अब ‘एसएमएस’बाटै जानकारी

अन्तर्वार्ता

नेपाल लाइभ बुधबार, असार १३, २०७५ ०१:०२

रत्ननगर- नारायणगढ–मुग्लिन सडक कति बेला बन्द हुन्छ र कतिबेला खुल्छ पत्तै हुन्न। घरबाट साइत गरेर हिँडेको मान्छे नारायणगढबाट गाडी चढेपछि बाटो बन्द भएको थाहा पाउने अवस्था छ। कहिले पहिरो, कहिले दुर्घटना त कहिले गाडी बिग्रिएर सडक अवरुद्ध हुँदा सर्वसाधारणले सास्ती पाइरहेका बेला अब मुग्लिन सडकका सूचना एसएमएसबाटै प्राप्त गर्न सकिने भएको छ।

जिल्ला ट्राफिक प्रहरी कार्यालय चितवनले स्थानीय कालिका टिभी र रेडियोसँगको सहकार्यमा मंगलबारदेखि एसएमएस सेवा सुरु गरेको ट्राफिक प्रमुख बेदप्रसाद गौतमले बताए। उनका अनुसार यहाँबाट मुग्लिन, नारायणगढ क्षेत्रका हरेक सूचना उपलब्ध हुनेछ। यसअघि ट्राफिक प्रहरीले फेसबुकमार्फत सूचना प्रवाह गर्दै आएको थियो।

यसका लागि मोबाइलको म्यासेज बक्समा गएर एनएमटी टाइप गरी ३४८४८ मा एसएमएस गरेपछि तुरुन्तै मोबाइलमा सन्देश आइपुग्छ। जस्तै यो नम्बरमा मेसेज पठाउँदा ‘नारायण-मुग्लिन सडक खण्डको चारकिलोमा ठूलो पहिरो खसी बाटो अवरोध भएको' भन्ने सन्देश आउँछ।

घटनाको अपडेट हुने बित्तिकै सूचना पनि अपडेट हुने गौतमले बताए।

यसअघि कालिका टिभी र रेडियोले प्रयोग गर्दै आएको एसएमएस कोड ३४८४८ को नयाँ युजर नेम र पासवर्ड उपलब्ध गराएर सार्वजनिक हितका लागि ट्रफिक प्रहरीलाई सहयोग गरिएको टिभीका स्टेशन म्यानेजर राजकुमार लामिछानेले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लण्डन पुगेका शेखरले भने- नेपालको राजनीतिक अवस्था एकदमै तरल अवस्थामा छ

रवि काठमाडौं आइपुगे, भोलि विहानै अदालत जाने

विद्युत् चुहावट १२.७३ प्रतिशतमा सीमित