फक्सवागनको नयाँ मोडल 'ट्वारेग-आर' नेपाली बजारमा भित्रियो

अटो

नेपाल लाइभ शनिबार, माघ १, २०७८ २०:५५

काठमाडौं- नेपालका लागि फक्सवागन गाडीको आधिकारिक वितरक पूजा इन्टरनेसनल नेपाल प्रालिले कम्पनीको टप रेन्जको फ्ल्यागसिप मोडल ट्वारेग-आर नेपाल भित्र्याएको छ। पहिलेदेखि नै लोकप्रिय ट्वारेग अब आर-ट्रिटमेन्टका साथ प्रशस्तै फिचर थप भएर आएको कम्पनीले जानकारी दिएको छ।

'क्लास लिडिङ ठूला एसयूभीका लागि फक्सवागन विश्वमै परिचित छ। नयाँ एसयूभी ट्वारेग-आर विश्वप्रसिद्ध ६ सिलिण्डर भी-६, ३.० लिटर टबोचार्ज्ड पेट्रोल इन्जिनद्वारा सञ्चालित छ, जसले ५३००-६४०० आरपीएममा ३४० पीएस पावर र १३७०-४५०० आरपीएममा ४५० एनएम टर्क जेनेरेट गर्छ,' कम्पनीद्वारा जारी विज्ञप्तिमा उल्लेख छ।

कम्पनीका अनुसार फोक्सवागन ट्वारेगलाई पोर्स र फक्सवागन समूहले अडी र फक्सवागन ब्रान्डहरू समावेश गरी संयुक्त उद्यम परियोजनाको रूपमा विकसित गरेको थियो। डिजाइनर 'फ्रांक ब्रुज'ले नयाँ ट्वारेग-आरको डिजाइन गरेका छन् जसले औदी क्यु-७, पोर्स कयेन, बेन्त्ली बेन्ताइघा र ल्याम्बोर्गिनी युरुसबाट समान प्लेटफर्म र धेरै प्रविधिहरूमा साझेदार गर्दछ।

'ट्वारेग-आर एउटा ठूलो आकारको फन-टु-ड्राइभ लक्जरी एसयूभी हो, जुन जर्मन कार निर्माता फक्सवागन समूहले २००२ देखि ब्राटिस्लाभा प्लान्टमा उत्पादन गरेको हो। नेपालमा सन् २०१० मा आधिकारिक रूपमा बिक्री वितरण गर्दै आइरहेको फक्सवागन ट्वारेग समाजको उच्च वर्गले रुचाएको फक्सवागन मोडल हो। २०१० मा बिक्री वितरण भएदेखि नै ट्वारेग-आरले एसयूभी सेग्मेन्टमा नयाँ बेन्चमार्क स्थापित गदै आएको छ,' कम्पनीको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एक किलो एकसय ग्राम सुनसहित एकजना पक्राउ

एनपीएल पहिलो खेलः विराटनगर किङ्स कहाँ चुक्यो?

मलेसियामा बाढीका कारण एक लाख भन्दा बढी मानिस विस्थापित