काठमाडौं– प्रधानमन्त्री केपी शर्मा ओलीले छिमेकीसँग कुनै पनि प्रकारको कार्ड खेल्ने पक्षमा सरकार नरहेको बताएका छन्। दुवै छिमेकीको संवेदनशीलता बुझेको र दुवै छिमेकीबाट फाइदा लिएर देश विकास नीतिका साथ सरकार अघि बढ्ने उनले बताए।
आफ्नो ६ दिने चीन भ्रमणबारे सरकारलाई जानकारी गराउँदै उनले छिमेकीसँग विश्वास र भरोसायोग्य वातावरण निर्माण गरि काम गर्ने बताए। ‘हामी छिमेकीहरुलाई साथै लिन चाहान्छौ।
मेकीहरुको विकासवाट हामी लाभान्वित हुन चाहान्छौ,’ उनले भने, ‘उहाँहरुका संवेदनशीलता वुझेका छौ । कतिपयले भित्र के हो बाहिर यस्तो देखिएको भन्नु भएको छ । हामी बाहिर र भित्र यस्तो छैनौ । हामी असहमझदारी हटोस् । त्यसलाई हटाउने हामी यता वा उता ढल्कने गर्दनौ । हामी पञ्चशिलका आधारमा र स्वाभिमान र राष्ट्रिय हित र न्यायोचित होस् भन्ने चाहान्छौ।’
भ्रमण्मा समृद्ध नेपाली र सुखी नेपालको अभियान सफल बनाउन चीनले समेत सहयोग गर्ने प्रतिबद्धता जनाएको उनले जानकारी दिए।
काठमाडौ ,पोखरा र लुम्बिनी रेल निर्माणको आधार तयार भएको, नेपालको पुर्वाधार विकासमा सहयोग गर्ने विषयमा चीन सहमत भई हवाई र उत्तर दक्षिण जोड्ने सञ्जाल जोड्न सफलता हासिल भएको उनले बताए।
कोशी गण्डकी करिडोरका लागि थप सहयोग, गल्छी– केरुङ–रातमाटे प्रशारण लाइन विस्तार गर्न विद्युत्त प्राधिकरणसँग सम्झौता , पारवहन तथा यातायात सम्बन्धि प्रोटोकलमा जुलाईमा सम्झौता हुने, तातोपानी २०१९ मे महिनासम्म खुल्ला गर्ने विषयमा सहमती भ्रमणका सफलता भएको प्रधानमन्त्रीको भनाई छ।
चीनबाट चाँडै नै उच्चस्तरीय भ्रमण हुने विश्वास रहेको ओलीले बताए।
‘नेपालको विकास हामी आफैले गर्ने हो, हाम्रो आर्थिक विकासमा उनीहरुसँग भएका सम्झौताको प्रभावकारी कार्यान्वयन गर्न केन्द्रित हुनु पर्दछ,’ उनले भने,‘यसले मात्र हाम्रो विकास हुन्छ, चीन सरकारवाट गरिएको स्वागत र सत्कारका लागि कृतज्ञता व्यक्त गर्दछु ।’
क्षणिक हिसावले कसैका विरुद्ध कुनै पनि रुपमा कसैका विरुद्ध कुनै कार्ड नखेल्ने उनले प्रष्ट पारे। तत्कालीन हितका लागि गैर जिम्मेवार रुपमा काम नगने उनको भनाई थियो। उनले भने,‘विश्वास र भरोसायोग्य वातावरण निर्माण गरि काम गर्ने छौ । हामी छिमेकीहरुलाई साथै लिन चाहान्छौ । छिमेकीहरुको विकासवाट हामी लाभान्वित हुन चाहान्छौ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
