दूधमा युरिया मल नमिसाइएको डेरी उद्योग संघको दाबी

ब्लग

नेपाल लाइभ सोमबार, असार ११, २०७५ ०९:३६

काठमाडौं– दूध उत्पादकहरुको छाता संगठन डेरी उद्योग संघले दूधमा युरिया मल लगायतका अखाद्य वस्तु नमिसाइएको दाबी गरेको छ।

डेरी उद्योग संघका पदाधिकारीले सोमबार खाद्य प्रविधि तथा गुण नियन्त्रण विभागसँगको छलफलमा दूध तथा दूधजन्य वस्तुमा युरिया मल लगायतका अखाद्य वस्तु नमिसाइएको दाबी गरेको हो। संघका अध्यक्ष अरनिको राजभण्डारीले गाईको घाँस र दानामा रहेको युरिया मलको केही मात्रा दूधमा पनि देखिएको दाबी गर्दै त्यसले मानव स्वास्थ्यमा प्रतिकूल असर नपार्ने तर्क समेत गरे।

संघले विदेशबाट आयात गरिएका दूध पाउडर पनि मापदण्ड विपरीत नरहेको दाबी गरेको छ। खाद्य प्रविधि तथा गुण नियन्त्रण विभागले चेकजाँच गरेर मात्रै खरिद गरिएको दूध पाउडर मापदण्ड विपरीत रहेको भन्न नमिल्ने डेरी संघका अध्यक्ष राजभण्डारीको तर्क छ। उनले दूध डेरी पसललाई व्यवस्थित बनाउन २ वर्षभित्र आचारसंहिता नै बनाएर पालना गर्ने प्रतिबद्धता पनि व्यक्त गरे।

यता, खाद्य प्रविधि तथा गुण नियन्त्रण विभागले दूधमा मिसावट देखिएको भन्दै त्यसलाई व्यवस्थित बनाउन आवश्यक आचारसंहिता निर्माणको काम अगाडि बढाएको जनाएको छ। कृषि, भूमि व्यवस्था तथा सहकारी मन्त्री चक्रपाणि खनालले दूध तथा दूधजन्य वस्तुमा मानव स्वास्थ्य प्रतिकूल हुनेगरी मिसावट भेटिएको दाबी गर्दै त्यस्ता दूध डेरीलाई कारबाही गर्ने चेतावनी दिँदै आएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मोरङमा हातखुट्टा बाँधिएको अवस्थामा युवती फेला, सामूहिक बलात्कारको आशंका

श्रीलङ्कामा ५० जङ्गली हात्तीको मृत्यु

‘देववाणी’को प्रचारका लागि काठमाडौं आइपुगे बलिउड अभिनेता ह्यारी जोश