सिओल– रूस भ्रमणमा रहेका दक्षिण कोरियाली राष्ट्रपति मुन जाइ–इनले आफ्ना रूसी समकक्षी भ्लादिमिर पुटिनलाई कोरियाली प्रायद्विपलाई आणविक रूपमा निशस्त्रीकरण गराउने कार्यमा सहयोग गर्न आग्रह गरेका छन्।
आइतबार तीन दिन लामो भ्रमण सकी स्वदेश फर्किनुपूर्व सञ्चारकर्मीसँगको कुराकानीमा उनले आफूले रूसी राष्ट्रपति पुटिनसँग उक्त कुरा राखेको बताएका हुन्। उनको राष्ट्रपतिका रूपमा रूसका लागि यो पहिलो भ्रमण हो।
मुनले शनिबार मेक्सिकोसँग दक्षिण कोरियाले खेलेको विश्वकप खेललाई पत्नी किम जोङ सुककासाथ रहेर अवलोकन गरेका थिए। खेलमा मेक्सिकोले दक्षिण कोरियालाई २–१ गोल अन्तरले हराएको थियो।
भ्रमणका समय राष्ट्रपति मुनले रूसी राष्ट्रपति पुटिनलगायतका अन्य उच्चपदस्थ अधिकारीसँग पनि भेट गरेका थिए।
भेटका क्रममा दुई नेताले रूस र दक्षिण कोरियाबीचको सम्बन्धलाई प्रगाढ बनाउने विषयमा वार्ता भएको थियो। उनीहरुबीच स्वतन्त्र व्यापार सम्झौता गर्नका लागि पहल गर्ने कुरामा सहमति भएको जनाइएको छ। रासस÷एएनआई
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
