काठमाडौं– हलिउडको चर्चित फिल्म ‘टर्मिनेटर’का अभिनेता अर्नोल्ड श्र्वाजेनेगरको सम्बन्ध विच्छेद भएको छ। विवाह भएको ३६ वर्षपछि अर्नोल्ड र उनकी पूर्व श्रीमती मारिया श्राइवरको आधिकारिक रुपमा सम्बन्ध विच्छेद भएको छ।
अर्नोल्ड र मारियाले सन् १९८६ मा विवाह गरेका थिए। आफ्नो विवाहिक सम्बन्धलाई विच्छेद गर्न उनीहरुले २०११ मा क्यालिफोर्नियाका पूर्व गवर्नरसमक्ष निवेदन दिएका थिए। मंगलबार लस एंजल्सको अदालतमा उनीहरुको सम्बन्ध विच्छेद भएको छ। प्रक्रिया सुरु गरेको १० वर्षपछि अन्ततः दुई छुटेका छन्।
अर्नोल्डले आफ्नो घरेलु कामदारकी श्रीमतीसँगको सम्बन्धबाट सन्तान जन्मिएको खुलासा गरेपछि मारिया र उनको सम्बन्धमा दरार आएको थियो। त्यसपछि मारिया र अर्नोल्डको सम्बन्ध बिग्रदैं गएको थियो। त्यसपछि मारियाले सम्बन्ध विच्छेदका लागि निवेदन दिएकी थिइन्। २०११ मा सम्बन्ध विच्छेदका लागि निवेदन दिएयता उनीहरुले सार्वजनिक रुपमा विवाद र होहल्ला नगरि प्रक्रियालाई अघि बढाएका थिए।
सम्बन्ध विच्छेद भएपनि उनीहरुको सम्पत्तिको व्यवस्थापन र लेनदेनको विषयलाई भने गुपचुप राखिएको छ। हाल उनीहरुका दुवै सन्तान हुर्किसकेका छन्, जसकारण बच्चाको संरक्षणको विषयमा पनि उनीहरुले अदालती प्रक्रिया गर्नु नपर्ने भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
