राजविराज– राजमार्गमा रोकी राखेको ट्याक्टरमा मोटरसाइकल ठोक्किएर शनिबार राती सप्तरीमा एक जनाको मृत्यु भएको छ।
पूर्वपश्चिम राजमार्ग अन्तर्गत अग्निसाइर कृष्णा सवरण गाउँपालिका–२ स्थित सितापुर चौकमा रोकिराखेको स१त ४४९३ नम्वरको ट्याक्टरमा पुर्व जाँदै गरेको अनटेस्ट मोटरसाइकल ठोक्किएको थियो।
दुर्घटनामा मोटरसाइकल चालक कृष्णा सवरण गाउँपालिका–६ का ३५ वर्षिय गुणराज कटेलको घटनास्थलमै मृत्यु भएको छ भने पछाडि बसेका ४० वर्षिय लालबहादुर तामाङको अवस्था गम्भिर छ।
घाइतेलाई प्राथमिक उपचारपछि थप उपचारका लागि विराटनगरस्थित गोल्डेन अस्पताल पठाइएको छ। मृतकको शव पोष्टमार्टमका लागि राजविराजस्थित सगरमाथा अञ्चल अस्पताल पठाइएको इलाका प्रहरी कार्यालय महुलीले जनाएको छ।
मोटरसाइकल र ट्याक्टर प्रहरी नियन्त्रणमा छन्। ट्याक्टरका चालक फरार रहेकाले खोजी भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771566457.png)
