पोखरा महानगरका कर्मचारी सम्पर्कविहीन

ब्लग

नेपाल लाइभ शनिबार, असार ९, २०७५ १४:१०

पोखरा– पोखरा लेखनाथ महानगरपालिकाको सामाजिक महाशाखाका वरिष्ठ सूचना अधिकृत ओमराज पौडेल शनिबार बिहानदेखि सम्पर्कविहीन भएका छन्।

बिहान करिब ५ बजे घरबाट मर्निङवाकमा निस्केका उनी घर नफर्किएको जिल्ला कास्कीका डिएसपी रविन्द्रमान गुरुङले जानकारी दिए।

‘उनी सम्पर्कविहीन बनेको निवेदन प्रहरीमा आए लगत्तै हामीले स्याङ्जा लगायतका जिल्लाका प्रहरीमा फोटोसहित सम्पर्क गरिसकेका छौं’, उनले भने।
महेन्द्रपुलबाट हाम फालेर बेपत्ता

शनिबार बिहानै पोखरा लेखनाथ महानगरपालिका– ९ मा रहेको सेती नदीपुल (महेन्द्रपुल) बाट साढे ५ बजे एक जना पुरुष हाम फालेको कास्की प्रहरीले बताएको छ। हाम फाल्ने अन्दाजी ३०/३५ वर्षीय व्यक्ति भएको एक प्रत्यक्षदर्शी महिलाले जानकारी दिइन्।

ती व्यक्तिको कुनै परिचय नखुलेको प्रहरी उपरीक्षक वीरेन्द्र बस्यालले जानकारी दिए। बस्यालका अनुसार, सम्भावित ठाउँमा कास्की प्रहरी, सशस्त्र प्रहरी लगायतका उद्दार टोलीले पौडेलको खोजी गरिरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मौसम बदली : बादलले ढाके पनि वर्षा कम, बुधबारदेखि सुधार हुने

पूर्वसांसद मिना गुरुङ पक्राउ

सहकारी ठगी प्रकरणमा प्रतिवादीहरूको बयान जारी