रुकुम (पूर्व)मा बस दुर्घटना हुँदा ९ जना घाइते, ७ को अवस्था गम्भीर

ब्लग

नेपाल लाइभ शुक्रबार, असार ८, २०७५ ०६:३५

रुकुम– रुकुम (पूर्व)को सदरमुकाम रुकुमकोटमा आज बिहान भएको बस दुर्घटनामा ९ जना घाइते भएका छन्। घाइतेमध्ये ७ जनाको अवस्था गम्भीर रहेको प्रहरीले जानकारी दिएको छ। सदरमुकाम रुकुमकोटबाट दाङको तुलसीपुर जान छुटेको ना५ख ४०१२ नम्बरको बस दुर्घटना भएको हो।

सिस्ने गाउँपालिका–५ रुकुमकोटमा भएको दुर्घटनामा बाँके डुडुवा गाउँपालिका–५ की २५ वर्षीय समुद्रा ऐरी, रोल्पा लिबाङ–४ का ३० वर्षीय दिलीपकुमार पुन, रुकुम (पश्चिम) बाँफीकोट गाउँपालिका–५ का २० वर्षीय दीपक देवकोटा, रुकुम (पूर्व) सिस्ने–५ का ४० वर्षीय अमर थापा र सोही ठाउँकी ५५ वर्षीया पुतला ऐरी घाइते भएको प्रहरीले जानकारी दिएको छ।

दुर्घटनामा परेर घाइते हुनेमा रुकुम (पूर्व) सिस्ने–५ की ५१ वर्षीया सुधाकुमारी शर्मा, सोही ठाउँका २३ वर्षीय नारायण गौतम, बाँके डुडुवा–५ का ३० वर्षीय अजित ऐरी र अन्य २ जनाको नाम ठेगाना नखुलेको प्रहरी निरीक्षक दिवाकर रिजालले जानकारी दिए।

घाइतेमध्ये समुद्रा, दिलीप, अम्मर, सुधाकुमारी अजित र नाम ठेगाना नखुलेका २ जनाको अवस्था गम्भीर रहेको उनले जानकारी दिए। घाइतेहरुको जिल्ला जनस्वास्थ्य कार्यालय रुकुमकोटमा उपचार हुन नसकेपछि थप उपचारका लागि नेपालगञ्ज पठाइएको छ। घाइते सबैको टाउको, छाती, हातखुट्टामा चोट लागेको छ।

तीव्र गतिका कारण गाडी दुर्घटना भएको प्रहरीको अनुमान छ। गाडी चालक दाङ, तुल्सीपुर–११, तरीगाउँका चूडामणि विकलाई नियन्त्रणमा लिएर थप अनुसन्धान गरिरहेको प्रहरी निरीक्षक रिजालले बताए। घाइतेलाई नेपाली सेना, सशस्त्र तथा नेपाल प्रहरी र स्थानीयवासीले उद्धार गरेका थिए। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मौसम बदली : बादलले ढाके पनि वर्षा कम, बुधबारदेखि सुधार हुने

पूर्वसांसद मिना गुरुङ पक्राउ

सहकारी ठगी प्रकरणमा प्रतिवादीहरूको बयान जारी