काठमाडौं- २०१८ फिफा विश्वकप फुटबल प्रतियोगितामा अफ्रिकन टिम सेनेगलले विजयी सुरुवात गरेको छ। मंगलबार राति भएको समूह 'एच'को खेलमा सेनेगलले पोल्यान्डलाई २-१ गोलले पराजित गरेको हो।
खेलको ३७ मिनेटमा सेनेगलले अग्रता लिएको थियो। पोल्यान्डका थियागो कोनेक्टले सेनेगलका खेलाडीको प्रहार रोक्ने क्रममा डिफ्लेक्ट हुँदै आफ्नै पोस्टमा छिरेको थियो।
६० मिनेटमा सेनेगलका नियाकले अग्रता दोब्बर पारे। गोलकिपर अघि बढेको मौकामा उनले खाली पोस्टमा गोल गरेका थिए।
खेल सकिन चार मिनेट बाँकी छदा पोल्यान्डका क्रिचोवाकले गोल गर्दा खेल २-१ को अवस्थामा आएको थियो।
योसँगै पहिलो चरणमा सवै टिमको खेल पूरा भएको हो। पहिलो चरणमा १६ खेल हुँदा ३ खेल बराबरीमा सकिए। १३ खेलमा जितहार भएको छ। पहिलो चरणमा फराकिलो अन्तरको जित आयोजक रसियाले साउदी अरेबियामाथि ५-० गोलको जित निकाल्यो। सवै खेलमा गोल भएको पहिलो चरणमा स्पेन र पोर्चुगलबीच ३-३ गोलको बराबरीमा सकिएको खेलमा सवैभन्दा बढी ६ गोल भयो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
