काठमाडौं- सरकारले चीनबाट खरिद गरेको ४४ लाख डोज कोरोनाविरुद्धको भेरोसेल खोप आइपुगेको छ। निगमको जहाज दिउँसो २ बजे खोप लिएर काठमाडौं आइपुगेको हो।
सरकारले चीनसँग पछिल्लोपटक ६० लाख डोज भेरोसेल खोप खरिद गरेको थियो। जसमध्ये १६ लाख डोज खोप भदौ ४ र ५ गते नै आइसकेको छ।
खरिद गरेको बाँकी ४४ लाख डोज खोप लिन नेपाल वायु सेवा निगमको वाइडबडी ३३० जहाज बिहीबार बेइजिङ गएको थियो।
यसअघि निगमको जहाज खोप लिन बुधबार नै जाने र हिजो खोप ल्याउने बताइएको थियो। तर पछि संशोधन गर्दै एक दिन पछाडि सारिएको थियो।
भेरोसेल खोप यसअघि एक भाइलमा दुई डोज मात्र हुन्थ्यो। जसका कारण एक पटकको फ्लाइटमा आठ लाख भाइल ल्याउने गरिएको थियो। तर अहिले चीनले एक भाइलमा पाँच डोजको खोप उत्पादन गर्दै आएको छ। जसका कारण एकै पटक ४४ लाख डोज खोप ल्याउन सकिने भएको स्वास्थ्थ तथा जनसंख्या मन्त्रालयले जनाएको छ।
भेरोसेल खोप सुरुमा एक भाइलमा एक डोज, त्यसपछि एक भाइलमा दुई र अहिले एक भाइलमा पाँच डोज आउन थालेको हो।
नेपालमा यसअघि कोभिसिल्ड २४ लाख ४८ हजार, ७४ लाख डोज भेरोसेल, १६ लाख डोज जोन्सन एन्ड जोन्सन, १७ लाख ७७ हजार ३२० डोज एस्ट्राजेनेका खोप आइसकेको छ।
असोजमा गाभीमार्फत् एक लाख डोज फाइजर खोप आउनेछ भने यसै वर्षको अन्त्यसम्म ६० लाख फाइजर ४० लाख मोडर्ना गरी एक करोड डोज खोप आउने बताइएको छ। फाइजर मङ्सिर सम्ममा आउनेछ भने मोडर्ना केही समयपछि आउने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772936454.png)
-1772926073.png)
-1764146706.png)
