काठमाडौं- पछिल्लो २४ घन्टामा थप १ हजार ७८६ जना कोरोना कोरोना संक्रमणमुक्त भएका छन्।
देशका विभिन्न भागबाट पछिल्लो २४ घन्टामा थप १ हजार ७८६ जना कोरोना संक्रमणमुक्त भएसँगै अहिलेसम्म नेपालमा ७ लाख १६ हजार ३०२ जना निको भएका छन्।
मंगलबार स्वास्थ्य मन्त्रालयले दिएको जानकारी अनुसार निको हुने दर ९३.९ प्रतिशत रहेको छ।
यस्तै सोही अवधिमा नेपालमा थप १ हजार ६६४ जनामा कोरोना भाइरसको संक्रमण पुष्टि भएको छ।
स्वास्थ्य मन्त्रालयका अनुसार गत २४ घण्टाको अवधिमा देशभरका विभिन्न प्रयोगशालाहरुमा गरी ९ हजार ११७ जनाको आरटी–पीसीआर विधिबाट नमूना परीक्षण गरिएको थियो। पीसीआर विधिबाट नमूना परीक्षण गर्दा १ हजार ५२३ जनामा संक्रमण पुष्टि भएको मन्त्रालयले जानकारी दिएको छ।
यस्तै, सोही अवधिमा देशभरका विभिन्न ठाउँमा गरी ३ हजार १०५ जनाको एन्टिजेन परीक्षण गरिएको मन्त्रालयले जानकारी दिएको छ। एन्टिजेन परीक्षणबाट १४१ जनामा संक्रमण पुष्टि भएको हो।
गत २४ घण्टाको अवधिमा देशभरका विभिन्न ठाउँमा गरी २० जना कोरोना संक्रमितको मृत्यु भएको मन्त्रालयले जानकारी दिएको छ। यससँगै नेपालमा हालसम्म कोरोना भाइरसको संक्रमणबाट ज्यान गुमाउनेको संख्या १० हजार ७५० पुगेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
