खोप उत्पादन गर्ने उद्योगलाई आधार दरमा कर्जा

कोरोना अपडेट

नेपाल लाइभ शुक्रबार, साउन २९, २०७८ २२:२६

काठमाडौं- सरकारले कोरोना भाइरसविरुद्धको खोप उत्पादन गर्ने उद्योगलाई आधार दरमा कर्जा उपलब्ध गराउने भएको छ।

नेपाल राष्ट्र बैँकका गभर्नर महाप्रसाद अधिकारीले आज आर्थिक वर्ष २०७८/७९ को मौद्रिक नीति सार्वजनिक गर्दै महामारीजन्य रोगको उपचारको लागि मान्यता प्राप्त खोप उत्पादन गर्ने उद्योग स्थापना गर्न बैंक तथा वित्तीय संस्थाबाट आधार दरमा कर्जा उपलब्ध हुने व्यवस्था मिलाइने जानकारी गराएका हुन्।

नेपालमा नै कोभिड-१९ विरुद्धको खोप उत्पादन गर्ने सरकारको तयारी रहेको छ। यस्तै मौद्रिक नीतिमा अस्पताल नभएका स्थानीय तहमा १०० शय्यासम्मको अस्पताल स्थापना गर्न बैंक तथा वित्तीय संस्थाबाट सहजरुपमा कर्जा प्रवाह हुने व्यवस्था मिलाइने उल्लेख छ।

कोभिड-१९बाट प्रभावित विभिन्न पेसामा संलग्न पेशागत व्यवसायीलाई निश्चित सीमासम्मको कर्जा उपलब्ध हुने व्यवस्था गरिने उनले जानकारी दिए।

मौद्रिक नीतिमा कोभिड-१९ बाट सिर्जित स्वास्थ्य समस्याको उपचारमा सघाउ पुर्‍याउने जीवनरक्षक औषधि तथा स्वास्थ्य सामग्री उपकरणको आयातसम्बन्धी विद्यमान व्यवस्था पुनरावलोकन गरी थप सहजीकरण गरिने उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

निजामतीमा जनसंख्याको आधारमा आरक्षण हुनुपर्ने आदिवासी जनजाति र मधेसी आयोगको माग

राष्ट्रपतिसमक्ष महान्यायाधिवक्ताको वार्षिक प्रतिवेदन पेस

जाडोमा हात, गोडा, औंला किन सुन्निन्छ? कसरी जोगाउने?