'मास्क खै?' र 'नो हर्न' अभियानमा कडाइ गर्दै ट्राफिक प्रहरी

कोरोना अपडेट

नेपाल लाइभ मंगलबार, साउन २६, २०७८ १७:०६

काठमाडौं- महानगरीय ट्राफिक प्रहरी महाशाखाले काठमाडौं उपत्यकामा 'मास्क खै' र 'नो हर्न' अभियानलाई कडाइका साथ लागू गर्ने भएको छ।

मंगलबार काठमाडौंमा आयोजित एक कार्यक्रममा महाशाखाले काठमाडौं उपत्यकामा 'मास्क खै' र 'नो हर्न' अभियानलाई कडाइका साथ लागू गर्ने बताएको हो। महानगरीय ट्राफिक प्रहरी महाशाखाका प्रमुख वरिष्ठ प्रहरी उपरिक्षक (एसएसपी) जनक भट्टराईले अहिलेको कोरोना संक्रमणबाट बच्नको लागि मास्कको प्रयोग अनिवार्य भएकोले मास्कको प्रयोग बढाउन र अनिवार्य लगाउनुपर्ने चेतना फैलाउन प्लेकार्ड, तथा गाडीमा स्टिकर र ट्राफिक जवानको शरीरमा फित्ता लगाएर जागरुकता फैलाएको बताए। उनले हातमा प्लेकार्ड बोकेर हिँड्दा काममा अवरुद्ध हुने भएकोले शरीरमा फित्ता लगाउने अभियान सञ्चालन गरेको बताए।

उनले भने, 'अहिलेको संक्रमणबाट बच्नको लागि मास्कको प्रयोग गर्नुपर्छ, यो अत्यन्त जरुरी छ भनेर मास्कको प्रयोग बढाउन र अनिवार्य छ भनेर चेतना फैलाउनका लागि विभिन्न उपाय गरिरहेका थियौँ, प्लेकार्डमा लेखेर देखाउने काम गर्‍यौं, मास्कको अनिवार्यता र चेतना जगाउने उद्देश्यले यी काम गरिरहेका थियौँ। मास्क खै भनेर फित्ता लाएको कारण हात हल्लाएर गर्ने हाम्रो ड्युटीमा अवरोध हुने भएकोले जनमानसमा चेतना जाने र चेतना जगाउने उद्देश्यले मास्क खै कार्यक्रम व्यापकतामा लाँदै छौँ।'

उनले २०७४ सालमा ल्याइएको 'नो हर्न' कार्यक्रमलाई पनि प्रचारमुखी बनाउन, निरन्तरता दिन र चेतना जगाउन कडाइका साथ लागिपर्ने बताए। उनले नो हर्नको स्टिकर प्रत्येक चालकले गाडी चलाउँदा देखिने ठाउँमा राखिने बताए। अनावश्यक ठाउँमा हर्न बजाउने चालकलाई कारबाहीको दायरामा ल्याउने उनले बताए।

उनले भने, '२०७४ मा ल्याइएको नो हर्नको कार्यक्रमलाई अघि बढाउँछौँ, ०७४ सालदेखि नै अप्ठ्या रो नपरीकन हर्न बजाउनु हुँदैन, हर्नले वातावरण प्रदूषण गर्छ भनिएको थियो। त्यही अभियानलाई फेरि प्रचारमुखी बनाउन, निरन्तरता दिन, चेतना जगाउन लागि परेका हौँ। यो प्रत्येक ड्राइभरले बिहान उठेर गाडीमा बसेपछि देखिने ठाउँमा नो हर्नको स्टिकर टाँस्छौँ, यदि यसलाई मन्नुभएन भने कारबाहीको दायरामा ल्याउँछौँ।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भिजिट भिसा प्रकरणमा गृहको आपत्ति - कुनै संलग्नता छैन, अख्तियारले छानबिन गरिरहेकाे छ

डोल्पामा यार्सागुम्बा संकलन गर्न गएका दुई समूहबीच झडप

अमेरिकाको सान डिएगो विमान दुर्घटना : पाइलटसहित ६ जनाको मृत्यु