काठमाडौं- बलिउड अभिनेता सेफ अलि खान र अभिनेत्री करीना कपूर फेरि एकपटक आफ्नो फिल्मका कारण नभइ छोराका कारण चर्चामा छन्। करीना कपूर खानले यस वर्ष फेब्रुअरीमा दोस्रो छोरालाई जन्म दिएकी थिइन्। उनको नाम जेह राखिएको थियो।
हालसालै रिलिज भएको करीनाको किताब 'करीना कपूर खान- प्रेग्नेन्सी बाइबल' मा जेहको नयाँ नाम राखिएको फेला परेको छ। यस किताब फिल्म निर्माता करण जोहरका साथ इंस्टाग्राम लाइभमा लञ्च गरिएको हो।
केही मिडिया रिपोर्टमा करीनाको किताबमा जेहको पूरा नाम जहांगीर लेखिएको बताइएको छ। तर करीना या सैफको तर्फबाट यसबारे केही प्रतिक्रिया आएको छैन। जहांगीर नामको अर्थ हुन्छ - विश्वमा राज गर्ने। जहांगीर फारसी भाषा को शब्द हो।
बीबीसीसँग करीनाका वुवा रणधीर कपूरले भने, ''हामी घरमा उनलाई जेह बोलाउँछौं। जहांगीर नाम हो या होइन म केही भन्न सक्दिन। उसका बुवाआमाले केही दिनमा स्वयं बताउने छन्।''
आफ्नो पहिलो छोराको नाम तैमूर राखेपछि अब करीना, सेफ अर्को छोराको नामका कारण मानिसहरुको निशानामा परेका छन्। उनीहरु सामाजिक सञ्जालमा ट्रोल भइरहेका छन्।
सामाजिक सञ्जालमा मानिसहरुले करीना र सेफलाई प्रश्न गरिरहेका छन् -जुन जहांगीरको आदेशमा सिख गुरु अर्जन देवको हत्या गरियो सोही जहांगीरको नाम छोराको किन राखेको?
यो किताबमा करीनाले आफ्ना दुई छोराको जन्मको अनुभव बाँडेकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
